- నాగర్కర్నూల్ ఎమ్మెల్యే మర్రిని దూషించాడని ఎమ్మెల్సీ కూచుకుళ్ల అనుచరుడిపై కేసు
- స్టేషన్లో ఎస్ఐ తిట్టి, కొట్టాడని ఆరోపణలు
నాగర్కర్నూల్, వెలుగు : నాగర్కర్నూల్జిల్లాలో ఎమ్మెల్సీ, ఎమ్మెల్యే అనుచరుల మధ్య వాట్సాప్ పోస్ట్ చిచ్చురేపింది. ఎమ్మెల్సీ కూచుకుళ్ల దామోదర్రెడ్డిని ఉద్దేశించి ఎమ్మెల్యే మర్రి జనార్దన్రెడ్డి అనుచరులు పోస్ట్ పెట్టగా, ఎమ్మెల్సీ ప్రధాన అనుచరుడు నాగనూలు కృష్ణారెడ్డి ఎమ్మెల్యేపై చేసిన వ్యాఖ్యలు వివాదానికి దారి తీశాయి. ఎమ్మెల్యే అనుచరుల కంప్లయింట్తో కృష్ణారెడ్డిని స్టేషన్కు పిలిపించి ఎస్సై చేయి చేసుకోవడంతో వివాదం మరింత ముదిరింది. దీనిపై ఎమ్మెల్సీ అనుచరులు ఎస్సైపై సీఐకి కంప్లయింట్ చేశారు.
అసలేం జరిగిందంటే...
కూచుకుళ్ల దామోదర్రెడ్డికి రెండుసార్లు ఎమ్మెల్సీ పదవి ఇచ్చినా పార్టీలో అవమానాల పాలయ్యాయని పదేపదే అనడం దేనికంటూ ఎమ్మెల్యే మర్రి అనుచరులు వాట్సాప్లో పోస్ట్ పెట్టారు. దీనిపై రియాక్ట్ అయిన ఎమ్మెల్సీ ప్రధాన అనుచరుడు కృష్ణారెడ్డి ఎమ్మెల్యే, ఆయన అనుచరులపై అనుచిత కామెంట్స్ చేశాడు. దీనిపై ఎమ్మెల్యే మర్రి అనుచరులు నాగర్కర్నూల్ పీఎస్లో కంప్లయింట్ చేశారు. దీంతో గురువారం ఉదయం నాగనూల్లోని కృష్ణారెడ్డి ఇంటికి కానిస్టేబుల్ను పంపించారు. తానే వస్తానని చెప్పడంతో కానిస్టేబుల్ వెళ్లిపోయాడు. తర్వాత స్వయంగా ఎస్ఐ విజయ్కుమార్అతడి ఇంటికి వెళ్లి పోలీస్ వెహికల్లో తీసుకువెళ్లడానికి ప్రయత్నించగా రాలేదు. తాను బైక్పై వస్తానని చెప్పడంతో సరే అన్నాడు. స్టేషన్కు వచ్చిన తర్వాత కృష్ణారెడ్డిని ఎస్ఐ బూతులు తిట్టి కొట్టాడని ఎమ్మెల్సీ అనుచరులు ఆరోపించారు. కృష్ణారెడ్డిని స్టేషన్కు పిలిపించారన్న సమాచారం అందడంతో నాగనూల్ నుంచి ఎమ్మెల్సీ అనుచరులు పీఎస్కు చేరుకున్నారు. తర్వాత కృష్ణారెడ్డిని స్టేషన్ బెయిల్పై వదిలేశారు. ఈ ఉదంతంపై తొలుత స్పందించాలని ఎమ్మెల్సీ వర్గీయులు భావించినా ఆయన వాడిన భాష ఇబ్బందికరంగా ఉండడంతో తర్వాత చూసుకుందాం అన్న ధోరణిలో సైలెంట్అయనట్లు తెలిసింది.
