యాదాద్రి భువనగిరి జిల్లాలో ఊహించని ప్రమాదం జరిగింది. రన్నింగ్‌లో ఉన్న ఆర్టీసీ బస్సు చక్రాలు ఊడిపోయాయి. హైదరాబాద్ నుంచి తొర్రూర్ వెళ్తున్న బస్సు.. మూటకొండూర్ మండలం కాటేపల్లి దగ్గరికి చేరుకోగానే రాయగిరి - మోత్కూర్ ప్రధాన రహదారిపై బస్సు చక్రాలు ఊడిపోయాయి. డ్రైవర్ చాకచక్యంతో బస్సును అదుపులోకి తీసుకోవడంతో పెద్ద ప్రమాదం తప్పింది. ఘటన జరిగిన సమయంలో బస్సులో 40 మంది వరకు ప్రయాణికులు ఉన్నారు. ఈ ఘటనలో ఎవరికీ ఎటువంటి గాయాలు కాకపోవడంతో అందరూ ఊపిరి పీల్చుకున్నారు.
