ఎంత సింపుల్ డ్రెస్ వేసుకున్నా.. దానికి సూటయ్యే జువెలరీ పెట్టుకుంటేనే బాగుంటుంది. అయితే ఇక్కడ వచ్చిన చిక్కల్లా ఏ డ్రెస్కి ఏ జువెలరీ సెట్ అవుతుందనేదే. ఈ విషయంలో చాలామంది ఆడవాళ్లు తికమక పడుతుంటారు. చివరికి కాంప్రమైజ్ అయి ఏదో ఒక జువెలరీని వేసుకుంటారు. ఇదే పెద్ద మిస్టేక్ అంటున్నారు ఫేమస్ జువెలరీ డిజైనర్స్ పూర్వి అషీర్, రూపేష్ జైన్. అంతేకాదు ఏ అవుట్ఫిట్కి ఏ జువెలరీ నప్పుతుందో కూడా చెప్తున్నారు.
రెగ్యులర్ వేర్ అంటే ఆఫీసులకి, కాలేజీలకి వేసుకెళ్లే క్యాజువల్ డ్రెస్లన్నమాట. వీటిపైకి చిన్న ముత్యాల ఇయర్రింగ్స్ బాగుంటాయి. సాదాసీదా గోల్డ్ డ్యాంగ్లర్స్ కూడా ట్రై చేయొచ్చు. అందులోనూ14 లేదా18 క్యారెట్ల గోల్డ్ డ్యాంగ్లర్స్ స్కిన్ని మెరిసేలా చేస్తాయి. ఎలాంటి క్యాజువల్ వేర్కైనా ఇవి స్టైలిష్ లుక్ ఇస్తాయి. సింగిల్ డైమండ్ జువెలరీ సాలిటైర్స్. రింగ్, నెక్లెస్, ఇయర్ రింగ్స్.. ఇలా అన్నింట్లోనూ సాలిటైర్ మోడల్స్ ఉంటాయి. చూడ్డానికి చాలా సింపుల్గా, ఎలిగెంట్గా ఉండే ఇవి.. ముఖానికి స్పెషల్ అట్రాక్షన్ అవుతాయనడంలో అనుమానమే లేదు.ఇవి వెస్టర్న్ వేర్తో పాటు ట్రెడిషనల్ డ్రెస్ల మీదకి కూడా బాగుంటాయి. ముఖ్యంగా బంగారం, డైమండ్ కాంబినేషన్స్లో సాలిటైర్స్ మోడల్లో వస్తున్న వేలాడే చెవికమ్మలు డిఫరెంట్ లుక్ ఇస్తాయి. రంగురంగుల డైమండ్స్తో చేసిన చెవికమ్మలు ఫ్యాషనబుల్గానూ ఉంటాయి. చీరల మీదకి కూడా ఇవి బెస్ట్ ఆప్షన్.
జుంకా పేరు వినగానే అందరి మైండ్లో ట్రెడిషనల్ అవుట్ఫిట్ మెదులుతుంది. కానీ, జుంకాలని ఇండో వెస్టర్న్ డ్రెస్లకి కూడా మ్యాచ్ చేయొచ్చు. ముఖ్యంగా బంగారం, సిల్వర్తో తయారుచేసే రంగురంగుల రాళ్ల జుంకాలు సింప్లీ సూపర్గా ఉంటాయి. ప్రింటెడ్ కుర్తీలు, ప్యాంట్లు, కలర్ఫుల్ సిల్క్ డ్రెస్లమీదకి వీటిని పెట్టుకుంటే స్టైలిష్ లుక్ వస్తుంది. వేడుక, అది జరిగే ప్లేస్ని బట్టి పెట్టుకునే జువెలరీ ఎంచుకోవాలి. గ్రాండ్ డ్రెస్లు వేసుకుంటే లైట్ వెయిట్ జువెలరీ బాగుంటుంది. డైలీ వేర్ లేదా ఆఫీస్ లుక్లోనే పార్టీలకి వెళ్తున్నప్పుడు కూడా లైట్ వెయిట్ జువెలరీ బెస్ట్ ఆప్షన్. డెలికేట్ నెక్లెస్లు కూడా వర్సటెయిల్ లుక్ ఇస్తాయి. పార్టీల్లో సెంటరాఫ్ అట్రాక్షన్ కావాలంటే స్టేట్మెంట్, మినిమల్ జువెలరీని మిక్స్ చేయొచ్చు. అలాగే స్ట్రాప్లెస్ డ్రెస్ల మీదకి చోకర్స్ బాగుంటాయి. ఆఫ్ షోల్డర్స్కి అసిమెట్రిక్, హాల్టర్ నెక్కి సన్నటి పెండెంట్స్ సూట్ అవుతాయి.
పసుపు, తెలుపు, రోజ్ కలర్ జువెలరీ ఎలాంటి అవుట్ఫిట్ మీదకైనా నప్పుతుంది. అవుట్ఫిట్ గోల్డ్, సిల్వర్ కలర్లో ఉంటే మాత్రం మ్యాచింగ్ రంగు జువెలరీనే బాగుంటుంది. డైమండ్ జువెలరీ ఎలాంటి అవుట్ఫిట్ మీదకైనా సెట్ అవుతుంది.జువెలరీతో ఫంకీ స్టయిల్స్ క్రియేట్ చేయాలనుకునేవాళ్లు.. మిక్స్ అండ్ మ్యాచ్ కాన్సెప్ట్ ట్రై చేయొచ్చు. అంటే... డిఫరెంట్ డిజైన్స్ , రకరకాల మెటల్ కలర్స్ జువెలరీ వేసుకోవచ్చు. కానీ,ఈ ప్యాటర్న్ని ఫాలో కావాలను కునేవాళ్లు చిన్న చిన్న జువెలరీ పీస్లనే ఎంచుకోవాలి. పొరలు పొరలుగా ఉండే లేయర్డ్ జువెలరీ లేదా రకరకాల డిజైన్ల జువెలరీని కలిపి వేసుకున్నా బాగుంటుంది.
చాలామంది పెండ్లి కూతుళ్లు తమ స్పెషల్ డే కోసం గ్రాండ్ పట్టు చీరలనే కొంటారు. కానీ, జువెలరీ విషయానికి వచ్చేసరికి అంతగా పట్టించుకోరు. ఈ పొరపాటు వల్లే చీరల ముందు జువెలరీ తేలిపోయినట్టు కనిపిస్తుంది. అలాకాకూడదంటే జువెలరీ విషయంలో కూడా జాగ్రత్తగా ఉండాలి . గోల్డ్ స్టేట్మెంట్ నెక్లెస్లు బ్రైడల్ లుక్కి మరింత గ్రాండ్నెస్ ఇస్తాయి. పెద్ద షాండ్లియర్ ఇయర్ రింగ్స్, పోల్కీ జువెలరీ కూడా పెండ్లి కూతుళ్లకి బాగుంటుంది. సిల్వర్ జువెలరీ పెండ్లి ముస్తాబుకి మంచి ఛాయిస్.