- టెస్లా పోటీ కంపెనీ విన్ఫాస్ట్ ఇండియాలో ఎంట్రీ!
- తమిళనాడు లేదా గుజరాత్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో ప్లాంట్ పెట్టే అవకాశం
న్యూఢిల్లీ : గ్లోబల్ మార్కెట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో టెస్లాతో పోటీ పడుతున్న వియత్నాం కంపెనీ విన్ఫాస్ట్ ఆటో త్వరలో ఇండియాలో మాన్యుఫాక్చరింగ్ ప్లాంట్ పెట్టనుంది. తమిళనాడు లేదా గుజరాత్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో కంపెనీ తన తయారీ ప్లాంట్ పెట్టనుందని సంబంధిత వ్యక్తులు పేర్కొన్నారు. చర్చలు ఇంకా స్టార్టింగ్ స్టేజ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోనే ఉన్నాయని, కానీ కంపెనీ మాత్రం ఇండియాలో మాన్యుఫాక్చరింగ్ ప్లాంట్ పెట్టేందుకు ఆసక్తి చూపిస్తోందని వెల్లడించారు. ఎగుమతుల కోసం ఈ ప్లాంట్ పెడుతోందా లేదా ఇండియాలో కార్లు అమ్మేందుకు పెడుతోందా అనే అంశంపై ఇంకా క్లారిటీ రాలేదు.
విన్ఫాస్ట్ దేశంలోని వివిధ రాష్ట్ర ప్రభుత్వాలతో చర్చలు జరిపి చివరికి తమిళనాడు, గుజరాత్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లను షార్ట్‌ లిస్ట్ చేసింది. అన్నీ అనుకున్నట్టు జరిగితే ఇండియాలో ప్లాంట్ పెట్టిన మొదటి వియత్నాం ఆటో కంపెనీగా విన్ఫాస్ట్ నిలుస్తుంది. ఈ కంపెనీని 2017 లో ఏర్పాటు చేశారు. కిందటి నెలలో మార్కెట్ క్యాప్ పరంగా ప్రపంచంలోనే మూడో అత్యంత విలువైన కార్ల తయారీ కంపెనీగా విన్ఫాస్ట్ నిలిచింది. ఈ కంపెనీ కంటే ముందు టెస్లా, టయోట ఉన్నాయి. విన్ఫాస్ట్ వాల్యుయేషన్ అప్పుడు ఏకంగా 191 బిలియన్ డాలర్లకు చేరుకుంది.
నాస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డాక్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో లిస్టింగ్ అయిన కొన్ని రోజుల్లోనే కంపెనీ షేర్లు 700 శాతం పెరగడం విశేషం. విన్ఫాస్ట్ నష్టాల్లో నడుస్తున్న కంపెనీ. దీని షేర్లు ఈ నెల ప్రారంభంలో భారీగా పడడంతో ఏకంగా 140 బిలియన్ డాలర్ల సంపద కోల్పోయింది. ప్రస్తుతం ఈ ఎలక్ట్రిక్ వెహికల్ తయారీ కంపెనీ మార్కెట్ క్యాప్ 25.7 బిలియన్ డాలర్లుగా ఉంది. ప్రపంచలోనే అత్యంత విలువైన 17 వ వెహికల్ తయారీ కంపెనీగా విన్ఫాస్ట్ ఉంది. ఈ కంపెనీకి వియత్నాంలో ఓ మాన్యుఫాక్చరింగ్ ప్లాంట్ ఉండగా, యూఎస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో కొత్తగా ప్లాంట్ పెడుతోంది. టెస్లా అంత పెద్ద కంపెనీ కాకపోయినప్పటికీ విన్ఫాస్ట్ వేగంగా విస్తరిస్తోంది.
