అందమైన, ఆరోగ్యమైన చర్మాన్ని అందరూ కోరుకుంటారు. అందుకోసం ఏవేవో బ్యూటీ ప్రొడక్ట్స్ కొని వాడుతుంటారు. వంటింటి చిట్కాలనీ ఫాలో అవుతుంటారు. అయితే ప్రతి స్కిన్ ప్రాబ్లంకి ప్రొడక్ట్స్ వాడటమే సొల్యూషన్ కాదు.
- మెరిసే చర్మం కోసం మార్కెట్ లో పూటకో ప్రొడక్ట్ రిలీజ్ అవుతుంటుంది. కానీ, వాటితో పనిలేకుండా రోజులో కొద్దిసేపు డాన్స్ చేస్తే చాలు. డాన్స్ కు, ముఖం మెరుపుకు లింక్ ఏంటి? అంటారా. ఈ రెండింటికి చాలా దగ్గరి సంబంధం ఉంది.
- డాన్స్ లేదా ఎక్సర్సైజ్ చేయడం వల్ల చెమట ఎక్కువ వస్తుంది. అంటే ఆయిల్, దుమ్ము, ధూళితో నిండిన చర్మ రంధ్రాలు తెరుచుకుంటాయి. చెమట వల్ల చర్మం క్లీన్ అయ్యి యాక్నె సమస్యలు రావు.
- స్కిన్ ఇన్ఫ్ మేషన్ ని తగ్గించే హార్మోన్స్ కూడా రెగ్యులేట్ అవుతాయి. దానివల్ల తామర, సోరియాసిస్ లాంటి చర్మ సమస్యల నుంచి తప్పించుకోవచ్చు.
- అలాగే డాన్స్ చేయడం వల్ల బ్లడ్ సర్క్యులేషన్ ఇంప్రూవ్ అయ్యి, చర్మ కణాలకి సరిపడా ఆక్సిజన్, పోషకాలు అందుతాయి. దాంతో నేచురల్గానే చర్మం మెరుస్తుంది.
- ప్రతి 28 రోజులకి చర్మం దానంతట అదే క్లీన్ అవుతుంది. నెలకోసారి చర్మం కొత్త కణాలని తయారు చేసుకుంటుంది. అందువల్ల చర్మానికి ప్రత్యేకంగా ట్రీట్మెంట్ అవసరం లేదు. అలాగని ఇట్ల చేస్తే చర్మం దెబ్బతింటది.
- బేసిక్ స్కిన్ కేర్ ని పక్కన పెట్టకూడదు. హెల్దీ స్కిన్ కోసం సరిపడా నీళ్లు తాగాలి. పండ్లు, ఆకుకూరలు వీలైనంత ఎక్కువ తినాలి. ఆయిల్ ఫుడ్ తక్కువగా తీసుకోవాలి.
- ముప్పై యేళ్లకే చర్మం ముడతలు పడుతోంది. చాలామందికి. ఆ ముడతల్ని తగ్గించడానికి వరుసగా ప్రొడక్ట్స్ కూడా వస్తున్నాయి.
- కానీ, కాస్త ముందు జాగ్రత్త తీసుకుంటే ఆ ప్రొడక్ట్స్ పనే లేదు. ముఖ్యంగా కెఫిన్ తక్కువ తీసుకుంటే చాలు. కెఫిన్ స్ట్రెస్ హార్మోని ని పెంచుతుంది.
- దానివల్ల సెబేషియస్ (నూనె) గ్రంథుల నుంచి ఆయిల్ ఎక్కువ వచ్చి యాక్నె సమస్యలు వస్తాయి. చర్మంపై ముడతలు పడతాయి. అందుకే దూరంగా ఉండాలి.
- మనం పడుకునే పొజిషన్ పై కూడా చర్మ ఆరోగ్యం ఆధారపడుతుందని తెలుసా!. అదెలాగంటే.. చాలామంది నిద్రపోయేటప్పుడు దిండుపై ముఖం పెట్టి బోర్లా పడుకుంటుంటారు.
- దానివల్ల స్కినికి సరిపడా గాలి అందదు. దాంతో చర్మరంధ్రాలు మూసుకుపోయి యాక్నె సమస్యలు వస్తాయి. చర్మంపై గీతలు కూడా పడతాయి. అందుకే ఎప్పుడూ ముఖానికి గాలి తగిలేలా వెల్లకిలా పడుకోవాలి. అలాగే పిల్లో కవర్స్ శుభ్రంగా లేకపోయినా స్కిన్ డ్యామేజ్ అవుతుంది.
- నీడపట్టునుంటే యువి కిరణాలు చర్మంపై పడవనుకుంటారు. కానీ, అది అపోహ మాత్రమే. యువీ రేస్ లో యువి-ఏ.యువి -బి అనే రెండు రకాలుంటాయి. యువిబి కిరణాలు కిటికీలు, తలుపుల్ని దాటుకుని రావు. కానీ, యువిఏ కిరణాలు ఇంట్లోకి వస్తాయి. చర్మంపై ముడతలకి కారణం మొటిమలు, యాక్నె సమస్యలు కూడా వస్తాయి.
Also Read :- అబ్బాయిల్లో మూడ్ స్వింగ్స్
- దానివల్ల స్కిన్ డ్యామేజ్ అవుతుంది. అందుకే ఇంట్లో ఉన్నా సన్ స్క్రీన్ లోషన్ తప్పనిసరిగా రాయాలి. అయితే ప్లాంట్ బేస్డ్ సన్ లోషన్స్ వాడటం బెటర్. బ్యూటీ అవుతాయి.
- స్కిన్ ఏజింగ్ కి కారణం జీన్స్ అనుకుం టారు. కానీ, చర్మంపై ముడతలు, మచ్చలు, చర్మం సెన్సిటివ్ మారడానికి, లూజ్ అవ్వడానికి కారణం జీన్స్ కాదు.
- చర్మానికి ఎండ ఎక్కువగా తగలడం వల్ల ఈ సమస్యలు వస్తుంటాయి. అందుకే బయటికి వెళ్లేటప్పుడు ఎస్పిఎఫ్ క్రీమ్స్ (సన్ ప్రొటక్షన్ ఫార్ములా) కచ్చితంగా వాడాలి.
- ఏ స్కిన్ టైప్కి అయినా 5.5 పీహెచ్ లెవల్ ఉంటుంది. అది చర్మాన్ని ఆరోగ్యంగా, అందంగా ఉంచుతుంది. కానీ, చాలామంది ఈ విషయం పట్టించుకోకుండా ఎసిడిక్ ప్రొడక్ట్స్ వాడుతుంటారు. దీనివల్ల చర్మంపై దద్దుర్లు వస్తాయి.
- ఆల్కలైన్ తో నిండిన ప్రొడక్ట్స్ వల్ల చర్మం కమిలి ఎర్రగా అవుతుంది. అందుకే ప్రొడక్ట్ ని కొనేముందు స్కిన్ని బట్టి పీహెచ్ బ్యాలెన్స్ చేసేవి ఎంచుకోవాలి.
- సెల్ఫోన్ చేతిలో లేకపోతే ఒక నిమిషం కూడా గడవదు. కానీ, దానివల్ల పెద్ద మొత్తంలో జెమ్స్ ముఖంపైకి చేరతాయి. దానివల్ల యాక్నె, రాషెస్ లాంటి సమస్యలు వస్తాయి. అందుకని ఫోన్ని తక్కువ వాడాలి. దాన్ని శుభ్రంగా ఉంచుకోవాలి.
