- ఇప్పటివరకూ 87 వేల మందికిపైగా మృత్యువాత
పారిస్: ప్రపంచవ్యాప్తంగా కరోనా వైరస్ సోకిన వారి సంఖ్య 15 లక్షలు దాటింది. గురువారం ఉదయం వరకూ ప్రపంచవ్యాప్తంగా వైరస్ పాజిటివ్ వచ్చిన వారి సంఖ్య 15,02,478గా నమోదయ్యింది. ఇదే సమయంలో 192 దేశాల్లో 87,320 మంది కరోనా వైరస్తో ప్రాణాలు కోల్పోయారు. డిసెంబర్ చివరి వారంలో చైనాలోని వూహాన్ లో తొలి కరోనా కేసు నమోదైంది. మూడు నెలల్లో ఈ మహమ్మారి కారణంగా ప్రపంచ ఆర్థిక వ్యవస్థే అతలాకుతలమైంది. చైనాలో కేసుల సంఖ్య క్రమంగా తగ్గుతూ వచ్చినా.. యూరోప్ దేశాలు, అమెరికాలో దాని ప్రభావం ఎక్కువగా ఉంది. ముఖ్యంగా అమెరికాలో పాజిటివ్ కేసుల సఖ్య 4,32,132గా నమోదు కాగా.. 14817 మంది ఈ మహమ్మారి కారణంగా మరణించారు. ఇక స్పెయిన్లో 1,46,690 మందికి పాజిటివ్ రాగా.. 14,555 మంది చనిపోయారు. ఇటలీలో 1,39,422 మందికి వైరస్ సోకగా.. 17,669 మంది ప్రాణాలు కోల్పోయారు. యూరోప్లో కరోనా ప్రభావం చాలా ఎక్కువగా ఉంది. ప్రపంచవ్యాప్తంగా నమోదైన కేసుల్లో 7,72,592 ఇక్కడివే. అలాగే 61,118 మంది మరణాలు కూడా ఇక్కడే సంభవించాయి.
