ఇంటర్మిటెంట్ ఫాస్టింగ్లో నచ్చిన ఫుడ్ తింటూ ఈజీగా బరువు తగ్గొచ్చు. అయితే, ఈ డైట్లో ఫలానా టైంకి తినాలనే రూల్ కచ్చితంగా పాటించాలి. సమీరా రెడ్డితో పాటు చాలామంది సెలబ్రిటీలు బరువు తగ్గడానికి ఈ డైట్నే పాటిస్తున్నారు...
తినాల్సినవి
- అవకాడోలో క్యాలరీలతో పాటు మోనోశాచ్యురేటెడ్ ఫ్యాట్స్ ఎక్కువ ఉంటాయి. అందుకే అవకాడో తినగానే పొట్ట నిండినట్టు అనిపిస్తుంది. భోజనంతో పాటు సగం అవకాడో తినాలి.
- వారానికి పావుకిలో చేపలు తప్పక తినాలి. చేపల్లో ప్రొటీన్లతో పాటు హెల్దీఫ్యాట్స్, విటమిన్–డి ఉంటాయి. మెదడు ఆరోగ్యానికి కూడా చేపలు మంచివి.
- కాలీఫ్లవర్, క్యాబేజి, బ్రకోలిలో ఫైబర్ ఎక్కువ. ఇవి తింటే తొందరగా ఆకలి వేయదు. కడుపు ఉబ్బరం వంటి సమస్యలు రావు. ఆలుగడ్డలు తిన్నా కూడా పొట్ట నిండుగా ఉంటుంది.
- చిక్కుడుజాతి గింజలు, బీన్స్లో కార్బోహైడ్రేట్లు ఎక్కువ. క్యాలరీలు తక్కువ. ప్రొటీన్, ఫైబర్ ఉంటాయి.
- ప్రొబయాటిక్స్ ఉండే పెరుగు తింటే జీర్ణసమస్యలు రావు. ఒక గుడ్డు తింటే 6 గ్రాముల ప్రొటీన్ అందుతుంది.
- స్ట్రాబెర్రీ, బ్లూ బెర్రీలలో విటమిన్–సి ఉంటుంది. వీటిలోని ఫ్లేవనాయిడ్స్ బరువు తగ్గడాన్ని ఈజీ చేస్తాయి.
- నట్స్ తింటే సరిపడా క్యాలరీలు అందుతాయి. వీటిలోని పాలీఅన్శాచ్యురేటెడ్ ఫ్యాట్ ఆకలిని తగ్గిస్తుంది.
- కార్బోహైడ్రేట్లు, ప్రొటీన్లు, ఫైబర్ ఉండే చిరుధాన్యాలు, పప్పులు తినాలి. ఇవి రెగ్యులర్గా తింటే మెటబాలిజం మెరుగ్గా జరుగుతుంది.
