రీసెంట్‌‌గా ‘క్రేజీ కళ్యాణం’ చిత్రంతో ప్రేక్షకుల ముందుకొచ్చిన అనుపమ పరమేశ్వరన్.. చేతినిండా ప్రాజెక్టులతో బిజీగా ఉంది. ఆమె నటిస్తున్న చిత్రాల్లో ఒకటి ‘భోగి’. ఈ సినిమాలో ఆమె శర్వానంద్‌‌కు జంటగా నటిస్తోంది. సంపత్ నంది దర్శకత్వంలో శ్రీ సత్యసాయి ఆర్ట్స్ బ్యానర్‌‌‌‌పై కేకే రాధామోహన్ ఈ చిత్రాన్ని నిర్మిస్తున్నారు. ఇందులో కందుల సులోచన రాణిగా అనుపమ కనిపించనుంది.
ఇప్పటికే విడుదలైన తన ఫస్ట్ పోస్టర్ ఆకట్టుకుంది. తాజాగా అనుపమ తన పాత్రకు సంబంధించిన డబ్బింగ్ పూర్తి చేసింది. ఈ సందర్భంగా డబ్బింగ్ స్టూడియో నుంచి రిలీజ్ చేసిన వీడియో సోషల్ మీడియాలో వైరల్ అవుతోంది. 1960ల ప్రారంభంలో మహారాష్ట్ర–ఆదిలాబాద్ సరిహద్దు నేపథ్యంలో ఈ కథ సాగుతుంది. ఆనాటి తెలంగాణ మాండలికంలోని డైలాగ్స్‌ ఆమె చెప్పడం ప్రత్యేక ఆకర్షణగా నిలుస్తోంది.
ఈ చిత్రంలో అనుపమ పరమేశ్వరన్ తో పాటు డింపుల్ హయాతి మరో హీరోయిన్‌‌గా నటిస్తోంది. భీమ్స్ సిసిరోలియో సంగీతం అందిస్తున్నాడు. నవంబర్ 12న వరల్డ్‌‌వైడ్‌‌గా సినిమా విడుదల కానుంది.
