బాలానగర్, వెలుగు: నామినేషన్ల స్వీకరణలో ఎలాంటి పొరపాట్లు జరగకుండా చూసుకోవాలని కలెక్టర్ విజయేందిర బోయి సూచించారు. రాజాపూర్ మండలంలోని తిరుమలాపూర్ గ్రామ పంచాయతీ ఆఫీస్లో నామినేషన్ల స్వీకరణ కేంద్రాన్ని సందర్శించారు. నామినేషన్ల స్వీకరణ కోసం చేసిన ఏర్పాట్లు పరిశీలించి పలు సూచనలు చేశారు. హెల్ప్ డెస్క్, పోలీస్ బందోబస్తు తదితర అంశాలను పరిశీలించి, అవసరం మేరకు సపోర్టింగ్ స్టాఫ్ ను పెట్టుకోవాలని సూచించారు.
ఎలాంటి పొరపాట్లు జరగకుండా నామినేషన్ల ప్రక్రియను పూర్తి చేయాలని, నామినేషన్ పత్రాలు తీసుకున్న వారి వివరాలను కూడా రిజిస్టర్ లో నమోదు చేయాలన్నారు. ఎన్నికల కమిషన్ మార్గదర్శకాలను పాటిస్తూ, ప్రశాంత వాతావరణంలో ఎన్నికల ప్రక్రియను పూర్తి చేయాలన్నారు. అనంతరం అంగన్వాడీ సెంటర్ ను సందర్శించి గర్భిణులు, పిల్లలకు పౌష్టికాహారం క్రమం తప్పకుండా అందించాలని సూచించారు.
కొనుగోలు కేంద్రాల తనిఖీ..
రాజాపూర్ మండలంలో చెన్నవెల్లి, తిరుమలాపూర్ గ్రామాల్లో ఏర్పాటు చేసిన వడ్ల, మొక్కజొన్న కొనుగోలు కేంద్రాలను కలెక్టర్ తనిఖీ చేశారు. సెంటర్లలో సౌలతులు పరిశీలించి, రైతుల ఇబ్బందులను అడిగి తెలుసుకున్నారు. కొనుగోలు చేసిన వడ్లను ఎప్పటికప్పుడు మిల్లులకు తరలించాలని ఆదేశించారు.
