మందకృష్ణను బీజేపీ రాష్ట్ర అధ్యక్షుడిగా నియమించాలి:ఆర్ఎస్ ప్రవీణ్
కాగజ్నగర్, వెలుగు: ప్రధాని నరేంద్ర మోదీకి ఎస్సీల మీద నిజంగా ప్రేమ ఉంటే.. పూర్తి మెజారిటీ ఉన్న కేంద్రం వెంటనే ఎస్సీ వర్గీకరణ ఆర్డినెన్సు తీసుకురావాలని బీఎస్పీ రాష్ట్ర అధ్యక్షుడు, సిర్పూర్ ఎమ్మెల్యే అభ్యర్థి ఆర్ ఎస్ ప్రవీణ్ కుమార్ డిమాండ్ చేశారు. బీజేపీ రాష్ట్ర అధ్యక్షుడిగా ఎమ్మార్పీఎస్ అధ్యక్షుడు మంద కృష్ణ మాదిగను నియమించాలన్నారు.
మోదీ.. మాదిగల మీద ప్రేమ చూపిస్తున్నది ఓట్లు పొందేందుకే అని విమర్శించా రు. సోమవారం కుమ్రం భీం ఆసిఫాబాద్ జిల్లా కాగజ్‌‌‌‌‌‌‌‌‌‌‌‌‌‌‌‌నగర్‌‌‌‌‌‌‌‌‌‌‌‌‌‌‌‌లోని బీఎస్పీ ఆఫీస్లో ఆయన మీడియాతో మాట్లాడారు. యూపీలో దళితులు, గిరిజనుల మీద దాడులు చేసిన బీజేపీ.. మాదిగల మీద ప్రేమ చూపిస్తోందని ఎద్దేవా చేశారు. అధికార పార్టీ లీడర్ల బాధితులు ఎవరైనా ఉంటే.. వారి సమస్యలు చెప్పుకొనేందుకు ప్రత్యేకంగా ర్యాపిడ్ సిర్పూర్ ప్రొటెక్షన్ పేరిట ప్రత్యేక సెల్ ఏర్పాటు చేశామని, బాధితులు 9888677776 కు సమాచారం ఇవ్వాలని సూచించారు.
ALSO READ : బీసీ డిక్లరేషన్ కలిసొచ్చేనా?
డిసెంబర్ 5 తర్వాత స్పెషల్ ఇన్వెస్టిగేషన్ టీం ఏర్పాటు చేస్తామన్నారు. రాష్ట్రంలో అధికార దుర్వినియోగంపై రాష్ట్ర ఎన్నికల అధికారికి, డీజీపీకి ఫోన్ చేసి కంప్లయింట్చేస్తే.. చేస్తాం, చూస్తాం అంటున్నారని పేర్కొన్నారు.
