రైడ్-హెయిలింగ్ సేవలను అందించే ఉబెర్(Uber) 2023లో చేసిన పర్యటనలకు సంబంధించిన వివరాలను డిసెంబర్ 27న విడుదల చేసింది. ఢిల్లీ-నేషనల్ క్యాపిటల్ రీజియన్ (NCR) బెంగళూరు, హైదరాబాద్, ముంబై, కోల్‌కతా, పూణేల్లో అత్యధిక రైడ్స్ నమోదు చేసినట్లు ఫలితాలు వెల్లడించాయి. నైట్ టైంలో బుక్ చేసిన రైడ్ ల విషయానికొస్తే.. ముంబై దేశ రాజధానిని మించిపోయింది. వారాంతపు ప్రయాణంలో మాత్రం కోల్‌కతా ముందుంది. ఈ యాప్ ఆధారిత టాక్సీ అగ్రిగేటర్ ఒక పత్రికా ప్రకటనలో ఢిల్లీ-ఎన్‌సిఆర్‌లోని వ్యక్తులు ఎక్కువగా ఉబెర్‌ని ఉపయోగించుకున్నారని, మిగతా నగరాల కంటే అత్యధికంగా ప్రయాణాలు చేస్తారని, వారు ఆఫీసు వేళల్లో అత్యధిక ట్రిప్‌లను బుక్ చేశారని చెప్పారు.
ఈ సంవత్సరంలో ఉబెర్ రైడ్స్ రికార్డు స్థాయిలో 6.8 బిలియన్ కిలోమీటర్లను కవర్ చేశాయి. ఇది భారతదేశంలోని మొత్తం 6.37-మిలియన్-కిలోమీటర్ల రోడ్ నెట్‌వర్క్‌లో వెయ్యి రెట్లు లేదా దాదాపు ప్రతిరోజూ దాదాపు మూడుసార్లు ప్రయాణించడానికి సరిపోతుందని కంపెనీ పేర్కొంది.
ఉబెర్ వెల్లడించిన ఆసక్తికరమైన విషయాలు
- రైడ్స్ లో ఎక్కువ భాగం సాయంత్రం 6 - 7 గంటల మధ్య షెడ్యూల్ చేయబడ్డాయి.
- ఉబెర్‌ను బుక్ చేసుకోవడానికి శనివారం అత్యంత ప్రజాదరణ పొందిన రోజు.
- రైడ్ ను బుక్ చేసిన ట్రిప్‌ల సంఖ్య పరంగా, దుర్గా పూజ, క్రిస్మస్ వారాంతం అత్యంత ప్రజాదరణ పొందిన రోజులు. ఒక్క డిసెంబర్‌లోనే అత్యధిక సంఖ్యలో రైడ్‌లు బుక్ చేయబడ్డాయి.
- విమానాశ్రయాలకు అత్యధిక సంఖ్యలో ఉబెర్ రిజర్వ్ ట్రిప్‌లు ఉదయం 4, 5 గంటల మధ్య బుక్ అయ్యాయి.
- ప్రముఖ ఉబెర్ ఇంటర్‌సిటీ రైడ్స్ లో ఎక్కువగా అత్యంత ప్రసిద్ధ పర్యాటక ప్రదేశం లోనావాలా, ముంబైకి బుక్ నమోదయ్యాయి.
