రీసెంట్‌‌‌‌గా ‘రణబాలి’ చిత్రంతో ప్రేక్షకుల ముందుకొచ్చిన విజయ్ దేవరకొండ.. ప్రస్తుతం రవికిరణ్ కోలా దర్శకత్వంలో ‘రౌడీ జనార్దన’ సినిమాలో నటిస్తున్నాడు. శ్రీ వేంకటేశ్వర క్రియేషన్స్ బ్యానర్‌‌‌‌‌‌‌‌పై దిల్ రాజు, శిరీష్ నిర్మిస్తున్నారు. తాజాగా ఈ చిత్రం గురించి ఓ క్రేజీ అప్‌‌‌‌డేట్ వైరల్ అవుతోంది.
ఈ సినిమాను రెండు భాగాలుగా రూపొందించేందుకు మేకర్స్ ప్లాన్ చేస్తున్నారట. గ్రామీణ నేపథ్యంలో సాగే మాస్ యాక్షన్ డ్రామాగా తెరకెక్కుతున్న ఈ సినిమా కథకు స్పాన్ ఎక్కువ ఉండటంతో ఈ ఆలోచన చేస్తున్నట్టు తెలుస్తోంది. అయితే దీనిపై టీమ్‌ నుంచి అధికారిక ప్రకటన రావాల్సి ఉంది.
ఈ చిత్రంలో విజయ్ దేవరకొండ మాస్ ఇంటెన్స్ లుక్‌‌‌‌లో కనిపించనున్నాడు. కీర్తి సురేష్ హీరోయిన్‌‌‌‌గా నటిస్తోంది. క్రిస్టో జేవియర్ సంగీతం అందిస్తున్నాడు. ప్రస్తుతం ఈ మూవీ షూటింగ్ శరవేగంగా జరుగుతోంది. మార్చిలో సినిమా రిలీజ్ చేసేందుకు ప్లాన్ చేస్తున్నారట మేకర్స్. త్వరలోనే మరిన్ని వివరాలు వెల్లడించనున్నారు.
