డ్రెస్ కోడ్ ఉల్లంఘించిన మహిళలకు జరిమానాలను కఠినతరం చేసే బిల్లును ఇరాన్ చట్టసభ సభ్యులు సెప్టెంబర్ 20, బుధవారం ఆమోదించారని ఇరాన్ మీడియా నివేదించింది. దీనికి అనుకూలంగా 152 ఓట్లు, వ్యతిరేకంగా 34 ఓట్లు పోలవగా.. ఏడుగురు గైర్హాజరయ్యారు. ఆ తర్వాత 'హిజాబ్ పవిత్రత సంస్కృతికి మద్దతు' బిల్లు మూడేళ్ల ట్రయల్ పీరియడ్‌కు ఆమోదించబడింది.
ఈ బిల్లు ప్రకారం,
- విదేశీ లేదా శత్రు ప్రభుత్వాలు, మీడియా, సమూహాలు లేదా సంస్థల సహకారంతో తగిన దుస్తులు ధరించకపోతే మహిళలు ఐదు నుంచి 10 సంవత్సరాల వరకు జైలు శిక్షను అనుభవించవచ్చు.
- సోషల్ మీడియా ప్లాట్‌ఫారమ్‌లలో హిజాబ్‌ను అపహాస్యం చేస్తే జరిమానా, దేశం విడిచి వెళ్లకుండా రెండేళ్ల నిషేధం విధించబడుతుంది.
- హిజాబ్ లేకుండా మహిళలకు సేవలు అందించే వ్యాపారాలు లేదా వ్యాపార యజమానులు కూడా ప్రయాణ నిషేధానికి లోబడి ఉండాలి.
- సరైన హిజాబ్‌ను పాటించని మహిళా డ్రైవర్లు 5లక్షల ఇరానియన్ టూమన్ జరిమానాను ఎదుర్కొంటారు.
ఇస్లామిక్ రిపబ్లిక్ న్యూస్ ఏజెన్సీ (IRNA)లోని నివేదికల ప్రకారం, ఈ బిల్లుకు ఇంకా ఇరాన్ గార్డియన్ కౌన్సిల్ ఆమోదం అవసరం. మహిళల కోసం దేశంలో కఠినమైన దుస్తుల కోడ్‌ను ఉల్లంఘించినందుకు మోరాలిటీ పోలీసులు అరెస్టు చేసిన 22 ఏళ్ల మహ్సా అమిని మరణం.. దేశవ్యాప్తంగా నిరసనల తర్వాత ఈ బిల్లు వచ్చింది.
ప్రభుత్వం అణిచివేత తరువాత, అనేక మంది ఇరాన్ మహిళలు హిజాబ్ లేకుండా బహిరంగంగా బయటకు వెళ్లి దేశంలో దుస్తుల కోడ్‌ను ఉల్లంఘించారు.
نمایندگان مجلس با «اجرای آزمایشی» قانون جدید حجاب اجباری به مدت سه سال موافقت کردند
— ايران اينترنشنال (@IranIntl) September 20, 2023
این لایحه در کمسیون قضایی تصویب شده و شورای نگهبان باید مصوبه این کمیسیون را تایید کندhttps://t.co/pgDw3qDHcr pic.twitter.com/0z9gUAcUhv
