- వివరాలు వెల్లడించిన చత్తీస్గఢ్ అధికారులు
- నారాయణ్పూర్కు మృతదేహాల తరలింపు
- ఇద్దరు జవాన్లు కూడా మృతి
భద్రాచలం, వెలుగు: చత్తీస్గఢ్లోని అబూజ్మడ్ అడవుల్లో బుధవారం జరిగిన ఎన్కౌంటర్లో మృతిచెందిన మావోయిస్టుల్లో 14 మంది మహిళలు ఉన్నారు. మావోయిస్ట్ పార్టీ చీఫ్ కమాండర్ నంబాల కేశవరావు సహా మొత్తం 27 మంది మావోయిస్టులు ప్రాణాలు విడిచారు. వారి మృతదేహాలను ఆర్మీ హెలీకాప్టర్లో గురువారం నారాయణపూర్కు తరలించారు. జోరు వాన కారణంగా మృతదేహాల తరలింపు సమస్యగా మారడంతో హెలికాప్టర్లో తెచ్చారు. మృతి చెందిన మావోయిస్టుల వివరాలను అధికారులు వెల్లడించారు. మృతుల్లో 14 మంది మహిళా మావోయిస్టులు ఉన్నారని పేర్కొన్నారు. రమేష్ హేమ్లా, కోట్లూరాం కొర్రాం అనే ఇద్దరు జవాన్లు కూడా మృతి చెందారని తెలిపారు.
అబూజ్మాడ్లో ఆపరేషన్ ఇంకా కొనసాగుతుందని, మావోయిస్టుల కోసం అన్వేషిస్తున్నామని చెప్పారు. కేంద్ర బలగాలతో కలిసి చత్తీస్గఢ్ రాష్ట్ర పోలీసుల జాయింట్ ఆపరేషన్ కొనసాగుతుందని వారు పేర్కొన్నారు. మృతి చెందిన మావోయిస్టుల్లో మావోయిస్టు పార్టీ జాతీయ కార్యదర్శి నంబాల కేశవరావు అలియాస్ బసవరాజు అలియాస్ గంగన్న, జంగ్ పత్రిక ఎడిటర్ సజ్జ నాగేశ్వరరావు అలియాస్ నవీన్, కమాండర్ రోషన్ టిప్పు తదితరులు ఉన్నారు. మావోయిస్టులతో జరుగుతున్న పోరాటంలో జవాన్లు చూపిస్తున తెగువ, ధైర్యం వెలకట్టలేనివని చత్తీస్గఢ్ డిప్యూటీ సీఎం, హోంశాఖ మంత్రి విజయ్శర్మ అన్నారు. గురువారం ఆయన నారాయణ్పూర్ జిల్లా కేంద్రంలో జవాన్లు రమేష్ హేమ్లా, కోట్లూరాం కొర్రాం మృతదేహాల వద్ద శ్రద్ధాంజలి ఘటించారు. మావోయిస్టులు లొంగిపోవడం తప్ప వేరే మార్గం లేదని ఈ సందర్భంగా విజయ్ శర్మ తెలిపారు.
మృతిచెందిన మావోయిస్టులు వీరే..
- నంబాల కేశవరావు అలియాస్ బసవరాజు అలియాస్ గంగన్న- (మావోయిస్టు పార్టీ జాతీయ కార్యదర్శి)
- సజ్జ నాగేశ్వరరావు అలియాస్ జంగు నవీన్ అలియాస్ మధు- (జంగు పత్రిక ఎడిటర్, ఎస్జెడ్సీఎం)
- రోషన్ అలియాస్ టిప్పు- (కమాండర్)
- రాజు
- విజా కుర్సం
- రాజేష్ తెల్లం
- సునీల్
- బద్రూ అలియాస్ ఓదా
- సరిత
- కోసి అలియాస్ క్రాంతి మడవి
- గీత
- సంగీత
- సోమ్లీ అలియాస్ సజంతి అలియాస్ హిడ్మే ఉడ్సా
- గుడ్డు అలియాస్ ఉంగా
- జుగ్గో అలియాస్ జమున పొడియం
- బుచ్చి అలియాస్ రమే
- భూమిక
- ఐతే అలియాస్ రాగో అలియాస్ వెకో
- కోసా హోడీ అలియాస్ నగేష్
- రవి
- భీమే అలియాస్ మాసీ మండవి
- కల్పన అవలం
- కమల పద్దాం అలియాస్ లక్ష్మీ
- ఉపేంద్ర అలియాస్ వివేక్
- ఛోటీ అలియాస్ రేష్మా పొడియం
- హిడ్మే అలియాస్ సంకీ ముచ్చకీ
- సూర్య అలియాస్ సంతూ
