దేశ రాజధాని ఢిల్లీలో పెరుగుతున్న గన్ కల్చర్ ఆందోళన కలిగిస్తోంది. బర్త్ డే రోజే ఓ యువకుడిని గుర్తు తెలియని వ్యక్తులు గన్ తో షూట్ చేశారు. స్నేహితులతో కలిసి బర్త్ డే సెలబ్రేషన్స్ జరుపుకునేందుకు బయటికి వెళ్తిన యువకుడిపై కాల్పులు జరిపారు. కొద్ది నిమిషాల్లో కేట్ కట్ చేస్తాడన్న టైంలో ఈ ఘటన జరగడంతో అంతా షాక్ అయ్యారు. ఢిల్లీలోని షాదారా ప్రాంతంలో 27 ఏళ్ల యువకుడిని దుండగులు కాల్పులు జరిపారు. తీవ్రగాయాలతో ఆస్పత్రిలో మృతిచెందాడు.. వివరాల్లోకి వెళితే..
ఢిల్లీలోని షాబాద్ కు చెందిన గగన్ అనే 27ఏళ్ల యువకుడు.. పుట్టిన రోజు సందర్భంగా స్నేహితులను కలిసేందుకు వెళ్లగా..గుర్తు తెలియని వ్యక్తులు అతనిపై కాల్పులు జరిపారు. గగన్ తలకు బుల్లెట్ తగలడంతో తీవ్రంగా గాయపడ్డాడు. స్నేహితులు ఆస్పత్రికి తరలించగా అప్పటికే చనిపోయినట్లు డాక్టర్లు చెప్పారు.
బర్త్ డే సెలబ్రేషన్స్ ముందు గగన్ హత్య జరగడంతో అతని కుటుంబ సభ్యులు, స్నేహితులు షాక్ అయ్యారు.అయితే గగన్ హత్య కు వెనక స్నేహితుల మధ్య వివాదం కారణం అయి ఉండొచ్చని పోలీసులు అనుమానిస్తున్నారు. కేసు నమోదు చేసుకున్న పోలీసులు దర్యాప్తు చేస్తున్నారు.
దేశ రాజధాని ఢిల్లీలో కాల్పుల ఘటనలు కలకలం రేపుతున్నాయి. గడిచిన మూడు నెలల్లో దాదాపు ఇలాంటి ఘటన పది జరిగాయి. ఆగస్టులో తూర్పు ఢిల్లీ లోని ఇదే షాదార్ ప్రాంతంలోనే ఓ యువకుడిపై అతని సోదరులే కాల్పులు జరిపారు. నవంబర్ 5న భార్యతో బయటికి వెళ్లిన యువకుడిపై కాల్పులు జరిగాయి. ఈ కాల్పుల్లో 22 ఏళ్ల ఆదిత్ అనే యువకుడు తీవ్రంగా గాయపడ్డారు. మూడు రోజుల క్రితం ఢిల్లీలోని పటేల్ నగర్ లో కూడా ఇలాంటి ఘటనే జరిగింది. వరుస కాల్పుల ఘటనలు జరుగుతుండటంతో ఆందోళనలు వ్యక్తం అవుతున్నాయి.
