- కాంగ్రెస్ లో చేరుతున్నట్టు ప్రచారం!
అశ్వారావుపేట, వెలుగు: బీఆర్ఎస్ లో అంతర్గత విభేదాలు తారాస్థాయికి చేరుకోవడంతో రాజీనామాకు దారి తీసింది. భద్రాద్రి కొత్తగూడెం జిల్లా అశ్వారావుపేట మండలం వినాయకపురం గ్రామానికి చెందిన బీఆర్ఎస్ సీనియర్ నేత బిర్రం వెంకటేశ్వరరావు ఆధ్వర్యంలో 300 కుటుంబాలు ఒకేసారి రాజీనామా చేశాయి.
మాజీ ఎమ్మెల్యే మెచ్చ నాగేశ్వరరావు చుట్టూ కొందరు నేతలు చేరి పార్టీ కార్యక్రమాలకు సమాచారం ఇవ్వకుండా ఇష్టానుసారంగా చేస్తూ పార్టీని భ్రష్టు పట్టిస్తున్నారని మండిపడ్డాయి. ఈనెల 26న కొత్తగూడెంలో జరిగిన జిల్లా ముఖ్య కార్యకర్తల సమావేశంలో జిల్లా అధ్యక్షుడు రేగా కాంతారావు వద్దకు వినాయకపురం పంచాయతీ నుంచి తమకు ఎలాంటి సమాచారం ఇవ్వకుండా సర్పంచ్ అభ్యర్థిని తీసుకువెళ్లి ప్రకటించటం బాధాకరమని బీఆర్ ఎస్ నేత వెంకటేశ్వరరావు ఆరోపించారు. త్వరలో తాము ఏ పార్టీలో చేరేది తెలియజేస్తామన్నారు.
