- ఇంటి నుంచి తెచ్చుకున్న ఫుడ్డే కారణమంటున్న సిబ్బంది
ఖమ్మం రూరల్, వెలుగు: ఖమ్మం జిల్లా కూసుమంచి మండలం పాలేరు జవహర్ నవోదయ విద్యాలయంలో ఫుడ్ పాయిజనింగ్తో 36 మంది స్టూడెంట్లు అస్వస్థతకు గురయ్యారు. శుక్రవారం స్టూడెంట్లు వాంతులు, విరోచనాలు, కడుపునొప్పితో ఇబ్బంది పడడంతో వారికి స్కూల్ క్యాంపస్లో చికిత్స అందిస్తున్నారు. ఈ విషయమై ప్రిన్సిపల్ చంద్రబాబు మాట్లాడుతూ.. సంక్రాంతికి ఇంటికి వెళ్లిన స్టూడెంట్లు వచ్చేటపుడు పిండివంటలు తెచ్చుకున్నారని, వాటి కారణంగానే ఇలా జరిగిందని చెప్పారు. ప్రస్తుతం అందరూ కోలుకుంటున్నారని, ఎటువంటి ప్రమాదం లేదని, తల్లిదండ్రులు ఆందోళన చెందాల్సిన అవసరం లేదన్నారు.
ఫుడ్ఇన్స్పెక్టర్కిరణ్కుమార్విద్యాలయాన్ని సందర్శించి అస్వస్థతకు గురైన స్టూడెంట్ల దగ్గర ఉన్న ఫుడ్శాంపిల్స్తీసుకుని పరీక్షకు పంపించారు. ఇండ్ల నుంచి తెచ్చిన పిండివంటలే కారణమైతే కొద్దిమందికి లేదా ఒకే క్లాస్ పిల్లలకు అవుతుందని, అన్ని క్లాసుల పిల్లలు ఎలా అస్వస్థతకు గురవుతారని తల్లిదండ్రులు ప్రశ్నిస్తున్నారు. విద్యాలయంలో వడ్డించిన ఫుడ్వల్లే ఇలా జరిగిందని ఆరోపిస్తున్నారు. వెంటనే స్టూడెంట్లను ఖమ్మం సిటీలోని పెద్దాసుపత్రికి తరలించాలని డిమాండ్ చేశారు.
