భారత సాంప్రదాయ పండుగల్లో ధంతేరాస్, దీపావళికి ఎంతో ప్రాముఖ్యత ఉంది. ఈ రెండు పండుగలకు కొత్త వస్తువులు కొనటం ఆనవాయితీ అయినప్పటికీ.. ధంతేరాస్ బంగారు కొనుగోలు దారులకు వెరీ స్పెషల్. లక్ష్మీదేవి పుట్టిన రోజు కావడంతో బంగారం కొంటే లక్ష్మీ మన ఇంటికి వచ్చినట్లేనని భావిస్తుంటారు. ప్రతి ఏటా కార్తీక మాసం కృష్ణ పక్ష త్రయోదశి తిథినాడు ధంతేరాస్ జరుపుకుంటారు. ఈ రోజు ధన్వంతరి, కుబేరుని పూజించడం వల్ల ఇంట్లో సంపద, సుఖం వస్తాయని నమ్మకం. కొత్త వస్తువులు కొనడం కూడా శుభప్రదమని భావిస్తారు. చాలా మంది బంగారం, వెండి కొంటారు.
ప్రస్తుతం బంగారం, వెండి ధరలు భారీగా పెరిగిపోయి ఉన్నాయి. హై నుంచి కాస్త పడినప్పటికీ ఏడాది క్రితం ఉన్న రేట్లతో పోల్చితే ఎక్కువే. అందువల్ల చాలా మందికి అవి అందుబాటులో లేవు. అయితే ఈ పరిస్థితుల్లో బంగారం, వెండి కొనలేమని భావించే వారికోసమే ఈ ఆర్టికల్. బంగారం కొనకపోయినా అలాంటి విలువనిచ్చే.. శుభప్రదమైన ఎనిమిది వస్తువులు కొనవచ్చునని పండితులు చెబుతున్నారు. తక్కువ ధరకు లభించే ఈ వస్తువులు కొంటే బంగారం కొన్నట్లేనని చెబుతున్నారు. అవేంటో చూద్దాం.
1. గోమతీ చక్రం
గోమతీ చక్రం ఒక ప్రత్యేక రాయి. దానిపై చక్రం వంటి గుర్తు ఉంటుంది. తెల్ల రంగు గోమతీ చక్రం ముఖ్యమైనది. దీన్ని ఉంగరంలో కూడా పెట్టుకుంటారు. ధనతేరస్‌నాడు కనీసం రెండు లేదా ఐదు గోమతీ చక్రాలు కొని, దీపావళి నాడు లక్ష్మీదేవికి అర్పించవచ్చు.
2. గవ్వలు (కౌరీ షెల్స్)
గవ్వలు (కౌడీలు) సముద్ర జీవి నుంచి వస్తాయి. పూర్వకాలంలో వీటిని డబ్బుకు బదులుగా వాడేవారు. సంపదతో సంబంధం ఉన్నందున ఇవి శుభప్రదమని భావిస్తారు. ధనతేరస్‌నాడు కనీసం ఐదు లేదా తొమ్మిది గవ్వలు కొని లక్ష్మీ పూజలో అర్పించవచ్చు. ఇలా చేయడం వల్ల వివాహ సంబంధిత అడ్డంకులు తొలగుతాయని నమ్మకం.
3. శంఖం
శంఖం సముద్రం నుంచి పుట్టిందని, లక్ష్మీదేవి సోదరుడని చెబుతారు. శంఖం నుంచి వచ్చే ధ్వని శుభప్రదం. ఇంట్లో శంఖం లేకపోతే ధనతేరస్‌నాడు కొనడం మంచిది. దీపావళి పూజలో ఉపయోగించవచ్చు.
4. గణేశుడు, లక్ష్మీదేవి విగ్రహాలు
దీపావళి పూజలో గణేశుడు, లక్ష్మీదేవి పూజ చాలా ముఖ్యం. లక్ష్మీదేవి సంపదకు, గణనాథుడు జ్ఞానానికి ప్రతీక. పూజ గణేశునితో మొదలై లక్ష్మీదేవితో ముగుస్తుంది. ధనతేరస్‌నాడు వేర్వేరు విగ్రహాలు కొనండి. కలిసి ఉన్నవి కాకుండా. లక్ష్మీదేవి పద్మంపై కూర్చుని, చేతుల నుంచి డబ్బు ప్రవహిస్తున్నట్టు ఉండాలి. మట్టి విగ్రహాలు మంచివి, పెద్దవి కాకూడదు.
5. చీపురు
చీపురు శుభ్రత, శుభం, సంపదకు సంబంధించినదని పురాణాలు చెబుతున్నాయి. ధనతేరస్‌నాడు చీపురు కొనడం సంప్రదాయం. దాన్ని పూజా స్థలంలో ఉంచి దీపావళి నాడు పూజించి, తర్వాత రోజు నుంచి వాడవచ్చు.
6. పాత్రలు
ధనతేరస్‌నాడు పాత్రలు కొనడం శుభప్రదం. మీ అవసరానికి తగినవి కొనండి. నీటి పాత్రలు ప్రత్యేకం – లోటా, చెంబు లేదా గ్లాసు వంటి వాటికి ప్రాధాన్యతనివ్వండి. వీటిని దీపావళి పూజలో పూజించి తర్వాత వాడవచ్చు.
7. దీపాలు (మట్టి దీపాలు)
దీపావళి అంటే దీపాలు లేకుండా అసాధ్యం. దీపాలు వెలిగించడం వల్ల చీకటి, నెగటివిటీ పోయి సుఖం, సంపద వస్తాయని నమ్మకం. ధనతేరస్‌నాడు సరిపడా మట్టి దీపాలు కొనండి. ప్రధాన పూజకు రెండు పెద్ద దీపాలు ఉంచుకోండి.
8. ఖిల్, బతాషా
ఖిల్, బతాషా, లవా అంటే తెలంగాణలో బెండు బకీసలు (జాతరలో అమ్మే తీపి వస్తువులు), బొంగులు (ముర్మురాలు) అంటుంటారు. ఏదైనా దేవాలయానికి, జాతరకు వెళ్లినపుడు, ఈ రెండూ కలిపి ప్రసాదం మాదిరిగా పంచుతుంటారు. ధనతేరస్‌నాడు వీటిని కొనటం శుభప్రదమైనదిగా భావిస్తారు. కొనుగోళ్లు. ఇవి శుక్రునికి, సంపదకు సంబంధించినవి. దీపావళి పూజలో లక్ష్మీదేవికి అర్పించాలి. మట్టి పాత్రలో అర్పించడం మంచిది.
బంగారం, వెండి కొనలేకపోయినా ఈ వస్తువులు కొని ధనతేరస్, దీపావళి పూజలు చేస్తే సంపద, సుఖం కలుగుతాయని నమ్మకం.
