ఒక్కొక్కరికీ ఒక్కో ఫేవరెట్ రెసిపీ ఉంటుంది. అలాగని అదే రోజూ తినమంటే? ఎంతిష్టమున్నా మా వల్ల కాదంటూ చేతులెత్తేస్తారు. కానీ, జో మాత్రం తనకిష్టమైన చిప్స్, శాండ్విచ్ రోజూ పెట్టినా వద్దనదు. అసలు అవి తప్ప ఏం పెట్టినా తినదు. వినడానికి విచిత్రంగా ఉన్నా.. గడిచిన ఇరవై రెండేండ్లుగా ఆమె మెనూలో కేవలం శాండ్విచ్, చిప్స్ మాత్రమే ఉన్నాయి. ఇకమీదట ఆ మెనూ మారిపోతోంది. ఆ కథేంటంటే..
యుకెలో ఉంటున్న జో సాండ్లర్కి రెండేండ్ల వయసులో చిప్స్ శాండ్విచ్ టేస్ట్ చేయించింది తల్లి. అప్పట్నించీ రోజూ అదే కావాలని ఏడ్చేదట జో. బలవంతంగా తల్లి మరేదైనా ఫుడ్ తినిపించే ప్రయత్నం చేసినా నోరు తెరిచేది కాదట. దాంతో చేసేదేంలేక రోజూ చిప్స్ శాండ్విచ్లనే తినిపించారు పేరెంట్స్. పెద్దయ్యాక నచ్చజెప్పొచ్చు అనుకుంటే.. ఆ ప్రయత్నాలు కూడా బెడిసికొట్టాయి. ఉదయాన్నే డ్రై సిరియల్స్, లంచ్, డిన్నర్లో రెండు శాండ్విచ్లే ఆమె డైలీ ఫుడ్ మెనూగా మారిపోయింది. కాకపోతే అప్పుడప్పుడు చీజ్, చిప్స్లో ఇతర ఫ్లేవర్స్ ట్రై చేస్తుండేది జో. అలా ఇరవై మూడేండ్లు చిప్స్ శాండ్విచ్తోనే బతికేయడంతో మల్టీపుల్ స్కెలోరిసిస్ అనే జబ్బు బారిన పడింది జో. దానివల్ల బ్రెయిన్, కండరాలు ఎఫెక్ట్ అయ్యాయి. దాంతో తన ఆరోగ్యం కోసం ఫేమస్ హిప్నోథెరపిస్ట్ డేవిడ్ని కలిసింది జో. అన్ని టెస్ట్లు చేశాక తను రిస్ట్రిక్టెడ్ ఫుడ్ డిజార్డర్తో బాధపడుతోందని తేల్చాడాయన. రెండున్నర గంటల హిప్నోథెరపీ సెషన్తో జోకి ఇతర ఫుడ్స్పై ఉన్న భయాలన్నింటినీ పోగొట్టాడు. దాంతో ఈ మధ్యే మొదటిసారి ఫ్రూట్స్, వెజిటబుల్స్ తిన్నది జో . స్ట్రాబెరీలు ఇంత టేస్టీగా ఉంటాయని ఇప్పుడే తెలిసింది. ఇంకా రకరకాల వంటకాల్ని టేస్ట్ చేయాలనుకుంటున్నా అంటోంది.