పెబ్బేరు, వెలుగు: బతికి ఉండగానే చనిపోయినట్లు తప్పుడు సర్టిఫికెట్లు సృష్టించి తన భూమిని వేరే వాళ్ల పేరుపై పట్టా చేశారని ఓ వ్యక్తి హ్యుమన్రైట్స్కమిషన్(హెచ్చార్సీ)లో ఫిర్యాదు చేశాడు. బాధితుడు తెలిపిన వివరాల ప్రకారం.. వనపర్తి జిల్లా పెబ్బేరు మున్సిపాలిటీ చెల్లిమిల్లకు చెందిన కుక్కన్నకు వారసత్వంగా ఎకరం 15 గుంటల భూమి వచ్చింది. 2015లో తాను చనిపోయినట్లు అప్పటి తహసీల్దార్తప్పుడు సర్టిఫికెట్సృష్టించాడని, 2013లో చనిపోయిన తన తల్లి సవరమ్మ మరో వ్యక్తికి పొలం అమ్మినట్లు రికార్డుల్లో ఎక్కించారని కుక్కన్న పేర్కొన్నాడు. తన భూమిని కాజేయడానికి యత్నించిన తహసీల్దార్, ఇతర ఆఫీసర్లపై చర్యలు తీసుకోవాలని, తన భూమిని తనకు అప్పగించాలని కోరాడు. ఇదే విషయంపై ఆరేండ్లుగా పోరాడుతున్నానని, జిల్లా కలెక్టర్దృష్టికి తీసుకెళ్లినా తనకు న్యాయం జరగడం లేదని ఆవేదన వ్యక్తం చేశాడు.
హైకోర్టులో కేసు నడుస్తుండగానే..
భూ వివాదంపై హైకోర్టులో కేసు నడుస్తుండగానే తహసీల్దార్తన పొలాన్ని వేరేవాళ్ల పేరుపై పట్టా చేశారంటూ వనపర్తి జిల్లా వీపనగండ్ల గ్రామానికి చెందిన శ్రీనివాస్గౌడ్హెచ్చార్సీలో ఫిర్యాదు చేశాడు. పట్వారి, పటేల్ హయాంలో తన తండ్రి అక్కల శివన్న గౌడ్బతికుండగానే చనిపోయినట్లు కాగితాలు సృష్టించి భూమిని వేరే వాళ్లపై పట్టా చేశారన్నారు. ఇదే విషయంపై హైకోర్టు నుంచి తహసీల్దార్, ఆర్డీఓ, కలెక్టరేట్కు స్టే ఆర్డర్కాపీ వచ్చిందని, కోర్టులో కేసు నడుస్తుండగానే 2019లో వీపనగండ్ల తహసీల్దార్తమ 12 ఎకరాల 30 గుంటల భూమిని వేరే వాళ్లపై పట్టా చేశారని చెప్పారు. డబ్బులకు అమ్ముడుపోయి తమ భూమిని ఇతరులపై పట్టా చేసిన తహసీల్దార్, ఇతర అధికారులపై చర్యలు తీసుకొని తనకు న్యాయం చేయాలని శ్రీనివాస్గౌడ్కోరారు. అక్రమాలకు పాల్పడిన తహసీల్దార్శ్రీనివాస్ పై చట్టపరమైన చర్యలు తీసుకుని బాధితులకు న్యాయం చేయాలని బీసీ సంక్షేమ సంఘం రాష్ట్ర ప్రధాన కార్యదర్శి రాచాల యుగేంధర్గౌడ్మానవ హక్కుల కమిషన్ను కోరారు.