ఇజ్రాయెల్‌ సైనిక దళాలకు, హమాస్ మిలిటెంట్లకు మధ్య యుద్ధ వాతావరణం నెలకొంది. గాజా నుంచి హమాస్ మిలిటెంట్లు ఇజ్రాయిల్ పై ఐదువేల రాకెట్లతో దాడి చేయడంతో భారీగా నష్టం జరిగింది. ఇటు ఇజ్రాయిల్ కూడా ప్రతిదాడికి దిగింది. ఈ క్రమంలో ఈజిప్టులోని ఇజ్రాయెల్‌ టూరిస్టులపై కాల్పులు జరిగాయి. అలెగ్జాండ్రియా నగరంలో ఆదివారం (అక్టోబర్ 8న) జరిగిన ఈ ఘటనలో ముగ్గురు చనిపోయారు.
అలెగ్జాండ్రియా నగరంలోని ఓ టూరిస్ట్ ప్లేస్ లో స్థానిక పోలీసు ఒకరు పర్యాటకులపై విచక్షణా రహితంగా కాల్పులు జరిపాడు. ఈ ఘటనలో ఇజ్రాయెల్‌కు చెందిన ఇద్దరు పౌరులు, ఈజిప్టుకు చెందిన ఒక వ్యక్తి చనిపోయారు. ఈ విషయాన్ని ఈజిప్టు మీడియా వెల్లడించింది.
ALSO READ : ఇజ్రాయిల్కు 12ఏళ్లుగా 'ఐరన్ డోమ్' రక్షణ.. నిజంగా ఇవాళ ఇది లేకుంటే..?
పాంపీస్‌ పిల్లర్‌ సైట్‌ వద్ద జరిగిన మరొక దాడిలో ఓ వ్యక్తి గాయపడినట్లు తెలుస్తోంది. దాడి జరిగిన ప్రాంతాన్ని వెంటనే భద్రతా బలగాలు చుట్టుముట్టాయి. ఈ ఘటనలో ఓ అనుమానితుడిని పోలీసులు అదుపులోకి తీసుకున్నట్లు ఈజిప్టు మీడియా చెప్పింది.
