- ఫర్టిలైజర్ షాప్ ఓనర్ దగ్గర దహెగాం ఏవో లంచం డిమాండ్
- పట్టుకున్న ఏసీబీ అధికారులు
దహెగాం, వెలుగు : ఆసిఫాబాద్ జిల్లా దహెగాం మండల అగ్రికల్చర్ ఆఫీసర్ గూడెపువార్వంశీకృష్ణ లైసెన్స్ రెన్యూవల్ కోసం లంచం తీసుకుంటూ ఏసీబీకి చిక్కాడు. ఏసీబీ డీఎస్పీ రమణమూర్తి కథనం ప్రకారం..అయినం గ్రామానికి చెందిన మారుతి ట్రేడర్స్ఫర్టిలైజర్ యజమాని చౌదరి శ్యాంరావ్ తన ఫర్టిలైజర్, సీడ్స్ షాపు లైసెన్స్ రెన్యూవల్ కోసం గత నెల 27న ఆన్లైన్లో అప్లై చేసుకున్నాడు. వెరిఫికేషన్ కోసం షాపుకు వచ్చిన ఏవో వంశీకృష్ణ..శ్యాంరావ్ను డబ్బులు డిమాండ్ చేశాడు.
ప్రస్తుతం తన దగ్గర లేవని, తర్వాత ఇస్తానని చెప్పాడు. దీంతో ఈ నెల 7న లైసెన్స్ రెన్యూవల్చేశాడు. కానీ, అడ్రస్ తప్పుగా నమోదు చేశాడు. దీంతో శ్యాంరావ్అడ్రస్ సరిచెయ్యమని ఏవో దగ్గరికి వెళ్లగా పాతవి, కొత్తవి కలిపి రూ.38 వేలు ఇస్తేనే సరిచేస్తానని చెప్పాడు. దీంతో బాధితుడు ఏసీబీని ఆశ్రయించాడు. వారి సూచనల మేరకు సోమవారం ఏవోకు అగ్రికల్చర్ఆఫీసులో డబ్బులు అందజేస్తుండగా ఏసీబీ రెడ్హ్యాండెడ్గా పట్టుకుంది.
ఏసీబీ ఇన్స్పెక్టర్ కృష్ణకుమార్, హెడ్కానిస్టేబుల్ వేణుగోపాల్ పాల్గొన్నారు. గతంలో చెన్నూర్ మండలంలో ఏవోగా పని చేసినప్పుడు కూడా వంశీకృష్ణ రైతు బీమా విషయంలో అవకతవకలకు పాల్పడగా సస్పెండ్అయ్యాడు. అయినా తీరు మార్చుకోలేదు.
