నాంపల్లి, వెలుగు: నల్గొండ జిల్లా నాంపల్లి తహసీల్దార్ ఆఫీస్లో ఓ రైతు నుంచి రూ.15 వేలు లంచం తీసుకుంటుండగా, రెవెన్యూ ఇన్స్పెక్టర్ గోపరాజును ఏసీబీ అధికారులు పట్టుకున్నారు. వివరాల్లోకి వెళ్తే.. మండలానికి చెందిన ఓ రైతు వ్యవసాయ భూమికి సంబంధించిన పంచానామా రిపోర్ట్ను తహసీల్దార్కు అందజేసేందుకు ఆర్ఐ లంచం డిమాండ్ చేశాడు. దీంతో బాధితుడు ఏసీబీని ఆశ్రయించాడు. సోమవారం ఏవో సూచన మేరకు ప్రైవేట్ వ్యక్తి అదుల్ల యాదగిరికి డబ్బులు అందజేయగా, నల్గొండ ఏసీబీ అధికారులు పట్టుకున్నారు. యాదగిరి వద్ద రూ.15 వేల నగదును స్వాధీనం చేసుకున్నారు. ఆర్ఐ గోపరాజుతో పాటు యాదగిరిని అరెస్ట్ చేసి నాంపల్లి కోర్టులో హాజరుపరచనున్నట్లు ఏసీబీ అధికారులు తెలిపారు. కేసు దర్యాప్తు చేస్తున్నట్లు చెప్పారు.
