వన్డే వరల్డ్ కప్ 2023: ఉప్పల్ వేదికగా పాకిస్తాన్ మ్యాచ్‌లు.. ఎప్పుడెప్పుడంటే?

తెలుగు రాష్ట్రాల క్రికెట్ అభిమానులకు గుడ్ న్యూస్ అందుతోంది. హైదరాబాద్‌ వేదికగా పాకిస్తాన్ జట్టు వరల్డ్ కప్ మ్యాచులు ఆడనుంది. ప్రముఖ స్పోర్ట్స్‌ వెబ్‌సైట్‌ ఈఎస్‌పీఎన్ వెల్లడించిన వివరాల ప్రకారం.. అక్టోబర్ 6, 12 తేదీల్లో ఉప్పల్ వేదికగా క్వాలిఫయర్‌కు అర్హత సాధించిన జట్లతో పాక్ తలపడనుంది. అయితే ఉప్పల్ వేదికపై భారత్ గ్రూప్‌ స్టేజ్‌ మ్యాచులు లేనట్లు సమాచారం.

టీమిండియా మ్యాచ్‌లకు సంబంధించి బీసీసీఐ సిద్దం చేసిన డ్రాప్ట్‌ షెడ్యూల్‌లో హైదరాబాద్‌ పేరు లేనట్లు తెలుస్తోంది. ఈఎస్‌పీఎన్ వెల్లడించిన వివరాల ప్రకారం.. టీమిండియా గ్రూప్‌ స్టేజ్‌ మ్యాచ్‌ల కోసం బీసీసీఐ 9 వేదికలను ఖారారు చేసింది. అందులో చెన్నై, ఢిల్లీ, అహ్మదాబాద్, పుణే, ధర్మశాల, లక్నో, ముంబై, కోల్‌కతా, బెంగళూరు వేదికలకు అవకాశం కల్పించింది.