- మహారాష్ట్రలో ప్లాంట్పెట్టుబడి రూ. 84వేల కోట్లు
న్యూఢిల్లీ: ఇజ్రాయెల్ టవర్ సెమీకండక్టర్, అదానీ గ్రూప్ కలసి మహారాష్ట్రలో సెమీకండక్టర్ ప్రాజెక్ట్ను చేపట్టనున్నాయి. ఇందుకోసం కోసం రూ.84 వేల కోట్లు పెట్టుబడి పెట్టనున్నాయి. ఈ విషయాన్ని మహారాష్ట్ర ముఖ్యమంత్రి ఏక్నాథ్ షిండే ‘ఎక్స్’ పోస్ట్ ద్వారా తెలిపారు. దీనికి 40 వేల వేఫర్ల సామర్థ్యం ఉంటుందని వెల్లడించారు.
ఫాక్స్‌‌‌‌‌‌‌‌‌‌‌‌‌‌‌‌కాన్ గత ఏడాది జూలైలో భారతీయ కంపెనీ వేదాంతతో 19.5 బిలియన్ డాలర్ల సెమీకండక్టర్ జాయింట్ వెంచర్ నుంచి వైదొలిగింది. మనదేశంలో చిప్ల తయారీకి 3 బిలియన్డాలర్ల పెట్టుబడి పెట్టడానికి అబుదాబికి చెందిన నెక్స్ట్ ఆర్బిట్ వెంచర్స్, టవర్ సెమీకండక్టర్ల మధ్య చర్చలు జరిగినప్పటికీ కార్యరూపం దాల్చలేదు. 2026 నాటికి సెమీకండక్టర్ మార్కెట్ విలువ 63 బిలియన్ డాలర్లుగా ఉంటుందని అంచనా.
