- మండిపడ్డ కాంగ్రెస్ లీడర్లు
కోల్బెల్ట్, వెలుగు : వచ్చే ఎన్నికల్లో ఓటమి తప్పదని భయపడుతున్న చెన్నూరు ఎమ్మెల్యే బాల్క సుమన్ కాంగ్రెస్లో తమ కోవర్టులు ఉన్నారని తప్పుడు ప్రచారం చేస్తున్నాడని ఆ పార్టీ నేతలు మండిపడ్డారు. కాంగ్రెస్ శ్రేణుల్లో ఆత్మస్థైర్యాన్ని దెబ్బతీయడం, ప్రజలను తప్పుదోవపట్టించే కుట్రలో భాగంగా కోవర్టు డ్రామాల ఆడుతున్నాడని ఫైర్ అయ్యారు. ఆదివారం మందమర్రి, క్యాతనపల్లిలో వేర్వేరుగా ఏర్పాటు చేసిన మీడియా సమావేశాల్లో పీసీసీ జనరల్సెక్రటరీ పిన్నింటి రాఘునాథ్ రెడ్డి, చెన్నూరు నుంచి కాంగ్రెస్ టికెట్ఆశిస్తున్న నూకల రమేశ్, డాక్టర్ రాజారమేశ్మాట్లాడారు. కాంగ్రెస్లో కోవర్టులెవరూ లేరని, బీఆర్ఎస్ లీడర్లను తానే పంపించినట్లు బాల్క సుమన్ చేసిన వ్యాఖ్యలను ఖండిస్తున్నట్లు చెప్పారు.
స్థానికేతరుడైన సుమన్ను ఓడించేందుకు బీఆర్ఎస్ లీడర్లే సిద్ధంగా ఉన్నారని పేర్కొన్నారు. కాళేశ్వరం బ్యాక్వాటర్ కారణంగా వేల ఎకరాల్లో పంట ముంపుకు గురవుతున్నా రైతులకు నష్టపరిహారం కూడా ఇప్పించలేని అసమర్థుడు బాల్క సుమన్ అని మండిపడ్డారు. ఎమ్మెల్యే పదవి కోసం తోటి దళితుడు నల్లాల ఓదెలుకు రాజకీయ జీవితం లేకుండా చేశాడని, ఇందారంలో మరో దళితుని ప్రాణాలు పోవడానికి కారకుడని ఆరోపించారు. సమావేశంలో కాంగ్రెస్ టౌన్ ప్రెసిడెంట్ నోముల ఉపేందర్గౌడ్, సోషల్మీడియా స్టేట్సెక్రటరీ ముజాహిద్, లీడర్లు మండ భాస్కర్, పుల్లూరి లక్ష్మణ్, గందె రాంచందర్ తదితరులు పాల్గొన్నారు.
