కేంద్ర ప్రభుత్వ రంగ సంస్థ అయిన సెంట్రల్ బ్యాంక్ ఆఫ్ ఇండియా అప్రెంటీస్ ఖాళీల భర్తీకి అప్లికేషన్ల కోరుతున్నది. ఆసక్తి, అర్హత గల అభ్యర్థులు ఆన్లైన్ ద్వారా అప్లై చేయవచ్చు. అప్లికేషన్ల సమర్పణకు చివరి తేదీ జూన్ 26.
పోస్టులు: అప్రెంటీస్(4500)
ఎలిజిబిలిటీ: గుర్తింపు పొందిన యూనిర్సిటీ నుంచి ఏదైనా డిగ్రీలో ఉత్తీర్ణత. లేదా కేంద్ర ప్రభుత్వం గుర్తించిన సంస్థ ద్వారా సమాన అర్హత కలిగి ఉండాలి.
వయోపరిమితి: కనిష్ట వయోపరిమితి 20 ఏండ్లు, గరిష్ట వయోపరిమితి 28 ఏండ్లు. నిబంధనలను అనుసరించి సంబంధితవర్గాలకు వయోపరిమితిలో సడలింపు ఉంటుంది.
అప్లికేషన్: ఆన్లైన్ ద్వారా.
అప్లికేషన్లు ప్రారంభం: జూన్ 07.
అప్లికేషన్ ఫీజు: పీడబ్ల్యూబీడీ అభ్యర్థులకు రూ.400. ఎస్సీ, ఎస్టీ, మహిళా అభ్యర్థులకు రూ.600. ఇతర అభ్యర్థులకు రూ.800.
లాస్ట్ డేట్: జూన్ 23.
స్టైఫండ్: 12 నెలల ట్రైనింగ్ పిరియడ్లో నెలకు రూ.15000 చొప్పున చెల్లిస్తారు.
సెలెక్షన్ ప్రాసెస్: రాత పరీక్ష, స్థానిక భాషా ప్రావీణ్య పరీక్ష ద్వారా అభ్యర్థులను ఎంపిక చేస్తారు.
ఎగ్జామ్ డేట్: జులై మొదటి వారంలో రాత పరీక్ష నిర్వహించే అవకాశం ఉన్నది.
ఎగ్జామ్ సిలబస్:
రాత పరీక్ష: ఆన్లైన్ ఎగ్జామ్ 100 మార్కులకు ఉంటుంది. క్వాంటిటీటివ్ ఆప్టిట్యూడ్ (15 మార్కులు), లాజికల్ రీజనింగ్ (15 మార్కులు), కంప్యూటర్ నాలెడ్జ్ (15 మార్కులు), ఇంగ్లీష్ లాంగ్వేజ్ (15 మార్కులు), బేసిక్ రిటెయిల్ ప్రొడక్ట్స్ (10 మార్కులు), బేసిక్ రిటైల్ అసెట్ ప్రొడక్ట్స్ (10 మార్కులు), బేసిక్ ఇన్వెస్ట్మెంట్ ప్రొడక్ట్స్ (10 మార్కులు), బేసిక్ ఇన్స్యూరెన్స్ ప్రొడక్ట్స్ (10 మార్కులు ) ప్రశ్నలు ఇస్తారు. ఎలాంటి నెగెటివ్ మార్కులు లేవు.
స్థానిక భాషా ప్రావీణ్య పరీక్ష:
ఏ రాష్ట్రంలో అయితే పని చేయాలనుకుంటున్నారో ఆ రాష్ట్ర భాషలో చదవడం, రాయడం, మాట్లాడటం, అర్థం చేసుకోగలిగే సామర్థ్యంపై పరీక్ష నిర్వహిస్తారు.
పూర్తి వివరాలకు centralbankofindia.co.in వెబ్ సైట్ లో సంప్రదించగలరు.
