యూఎస్, యూరప్ వంటి దేశాల్లో చదువుకుని మంచి లైఫ్ స్టైల్, ఫెసిలిటీస్ ఉన్న అక్కడే స్థిరపడాలని చాలా మంది భారతీయ యువత కలలు కంటుంటారు. అయితే ప్రస్తుతం పరిస్థితులు మాత్రం దీనికి పూర్తి భిన్నంగా ఉన్నాయి. ఒక పక్క అగ్రరాజ్యం అమెరికా ఇమ్మిగ్రేషన్ కఠినతరం చేస్తూ విదేశీయులను పొమ్మంటుంటే.. మరో పక్క యూకే నుంచి కూడా భారీగా భారతీయులు వెనక్కి వచ్చేస్తున్నట్లు గణాంకాలు చెబుతున్నాయి. అసలు ఈ రివర్స్ మైగ్రేషన్ ఒక్కసారిగా ఎందుకు పెరిగింది.. దీనికి వెనుక ఏమైనా బలమైన కారణాలు ఉన్నాయా అనే వివరాలు ఇప్పుడు తెలుసుకుందాం.
యూకేలో ఇండియన్ స్టూడెంట్స్, వర్కర్స్ పెద్ద సంఖ్యలో ఉన్న సంగతి తెలిసిందే. అయితే వీరి సంఖ్య ప్రస్తుతం భారీగా తగ్గుతోంది. 2023 గరిష్టంతో పోల్చితే 2025 జూన్ నాటికి వీరి సంఖ్య 80 శాతం తగ్గి 2లక్షలకు పరిమితం అయినట్లు తేలింది. అధికారిక డేటా ప్రకారం 45వేల మంది విద్యార్థులు, 22వేల మంది వీసా హోల్డర్లతో పాటు 7వేల మంది ఇతర కేటగిరీ వ్యక్తులు యూకే వదిలి ఇండియా తిరిగి వచ్చేసినట్లు వెల్లడైంది. దీని తర్వాత చైనా ప్రజలు కూడా భారీగా యూకే వదిలి వెనక్కి వెళ్లిపోయినట్లు తేలింది.
భారీగా భారతీయులు వెనక్కి వచ్చేస్తున్నప్పటికీ ఇప్పటికీ యూకే వస్తున్న విదేశీయుల్లో ఇండియన్స్ అగ్రస్థానంలో కొనసాగుతున్నారు. యూరోపియన్ యూనియన్ కి వెళుతున్న అత్యధిక విదేశీయుల్లో ఇండియా, పాకిస్థాన్, చైనా, నైజీరియా పౌరులు టాప్ 5 లిస్టులో ఉన్నారు. భారత్ చైనా నుంచి మాత్రం ఎక్కువ మంది స్టడీ వీసాలపైనే వస్తున్నట్లు వెల్లడైంది. అయితే ప్రస్తుతం ఉన్న ప్రభుత్వం కింద ఇమ్మిగ్రేషన్ ఐదేళ్ల కనిష్టాలకు చేరిందని యూకే హోం సెక్యూరిటీ సెక్రటరీ షబానా మెుహమద్ వెల్లడించారు. అయితే ఈ దోరణి దీర్ఘకాలంలో యూకేకు మంచిది కాదని స్కిల్డ్ లేబర్ షార్టేజ్ ఏర్పడొచ్చని నిపుణులు హెచ్చరిస్తున్నారు. ప్రభుత్వం ఇమ్మిగ్రెంట్ల సంక్షేమం, వివక్ష ఈ పరిస్థితులకు కారణంగా తెలుస్తోంది.
