రాష్ట్రంలో వరి పంట పండిస్తున్న రైతులకు ప్రత్యామ్నాయ పంటలను సూచించకుండా.. వరి వేస్తే ఉరి అంటూ కేసీఆర్ చేసిన బెదిరింపులకు భయపడి చాలా మంది రైతులు ఆత్మహత్యలు చేసుకున్నారని సంజయ్ అన్నారు. కేసీఆర్ పదేండ్ల పాలనలో వ్యవసాయం రంగం నిజంగా అభివృద్ధి చెందితే.. రాష్ట్రవ్యాప్తంగా 11 వేల మందికి పైగా రైతులు ఎందుకు ఆత్మహత్యలు చేసుకున్నారో బీఆర్ఎస్ నేతలు సమాధానం చెప్పా లన్నారు. బీఆర్ఎస్, కాంగ్రెస్ దొందూ దొందేనని విమర్శించారు. పదేండ్ల కేసీఆర్ పాలనలో రైతులను బీఆర్ఎస్ పార్టీ అరిగోస పెడితే.. అధికారంలోకి వచ్చిన కాంగ్రెస్.. ఎన్నో హామీలిచ్చి వాటిని అమలు చేయకుండా చేతులెత్తేసిందని ఫైర్అయ్యారు.
