ఎప్పుడూ సూటూ, బూటుతో ఫార్మల్గా కనిపించే అమెరికా అధ్యక్షుడు జో బైడెన్.. బీచ్లో షర్ట్లెస్గా దర్శనమిచ్చారు! క్యాప్ను రివర్స్ తిప్పి వేసుకుని, షర్ట్ విప్పి కనిపించారు. ఇందుకు సంబంధించిన ఫొటో ప్రస్తుతం సోషల్ మీడియాలో వైరల్గా మారింది.
అతిపెద్ద వయస్సు కలిగిన అధ్యక్షుడిగా చరిత్ర సృష్టించారు జో బైడెన్.80ఏళ్ల బైడెన్.. తన డెలావేర్లోని ఇంటికి సమీపంలోని బీచ్కు వెళ్లారు. అక్కడ షర్ట్ విప్పి, క్యాప్ను రివర్స్గా పెట్టుకున్నారు. . ఈ ఫొటోల్లో ఆయన బేస్ బాల్ క్యాప్, సన్ గ్లాసెస్, నీలిరంగు టెన్నిస్ బూట్లు ధరించి హాలీవుడ్ యాక్షన్ హీరోలా కనిపిస్తున్నారు. ఎప్పుడూ బిజీ షెడ్యూల్‌తో తీరికలేకుండా గడిపే బైడెన్ తాజాగా డెలావేర్లోని రెహోబోత్ బీచ్లో ఇలా సరదాగా కాసేపు సమయాన్ని గడిపారు.
పుతిన్.. ట్రంప్ కూడా..!
దేశాధినేతలు.. ఇలా డిఫరెంట్గా కనిపించడం కొత్త విషయం ఏమీ కాదు. రష్యా అధ్యక్షుడు వ్లాదిమర్ పుతిన్.. 2009లో హార్స్ రైడ్కు వెళ్లారు. అక్కడ ఆయన దిగిన ఫొటోలు అప్పట్లో తెగ వైరల్గా మారాయి. కొన్నేళ్ల క్రితం.. అమెరికా మాజీ అధ్యక్షుడు డొనాల్డ్ ట్రంప్, తన ఫొటోషాప్ స్కిల్స్కు పదునుపెట్టినట్టు కనిపించింది. సిల్వెస్టర్ స్టేలోన్ శరీరానికి తన తలను మార్ఫ్ చేసిన ఫొటోను ఆయనే స్వయంగా ట్వీట్ చేశారు. అప్పట్లో దీనిపై బీభత్సమైన మీమ్స్ వచ్చాయి. అయితే.. 80ఏళ్ల జో బైడెన్ మాత్రం.. ఫొటోకు ఫోజిస్తున్నట్టు కనిపించలేదు. సాధారణంగా ఆయన బీచ్లో ఉండగా, ఫొటో తీసినట్టే ఉంది. సంబంధిత ఫొటో డెలావేర్లోని రెహూబూత్ బీచ్లో ఆదివారం (జులై 30) తీసినదిగా తెలుస్తోంది. "రెహూబూత్ బీచ్లో ప్రెసిడెంట్ జో బైడెన్ ఎంజాయ్ చేస్తున్న ఫొటో ఇది," అని ఎరిక్ గెల్లర్ అనే జర్నలిస్ట్ ఎక్స్ ట్విట్టర్లో ట్వీట్ చేశారు. బీచ్లో నడుస్తుండగా.. అధ్యక్షుడు కనిపించినట్టు, వెంటనే ఫోన్లో మూడు ఫొటోలు తీసినట్టు వివరించాడు.
