హైదరాబాద్: శ్రీశైలం మల్లన్నస్వామి దర్శనానికి వెళ్లిన ఓ యువకుడిపై ఎలుగుబంటి దాడి చేసింది. తీవ్రంగా గాయపడిన యువకుడిని స్థానికులు ఆసుపత్రికి తరలించారు. హటకేశ్వరం గిరిజనగూడెనికి చెందిన చిన్నదేవయ్య శ్రీశైలం దర్శనానికి వెళ్లాడు. ఈ క్రమంలో అడవిలో కట్టెలు తెచ్చుకోవడానికి వెళ్లిన చిన్నదేవయ్యపై ఎలుగు బంటి దాడి చేసింది. బాధితుడిని సున్నిపెంట ప్రభుత్వాసుపత్రికి తరలించారు స్థానికులు. ఎలుగుబంటి దాడిలో గాయపడ్డ చిన్నదేవయ్యకు వైద్య చికిత్స అందించారు. ఈ ఘటనపై ఆరా తీసిన ఫారెస్ట్ అధికారులు.. భక్తులు అప్రమత్తంగా ఉండాలని సూచించారు. అడవిలోకి ఒంటరిగా వెళ్లొద్దని హెచ్చరించారు.
