గతంలో క్లాస్ మేట్ కదా కొంచెం చనువిచ్చింది ఆ అమ్మాయి.. ఆమె ఉన్న పరిచయాన్ని ఆసరాగా తీసుకున్నాడు ఓ జులాయి. పదే పదే ఫోన్చేస్తూ డిస్ట్రబ్ చేశాడు..మాట్లాడేందుకు కలుద్దాం అన్నాడు.. ఆమె ఒప్పుకోకపోవడంతో ఆమె చదువుతున్న కాలేజీకే వెళ్లాడు..ఆమెను భయపెట్టాడు..కాలేజీ బాత్ రూంలోనే దారుణం.. వివరాల్లోకి వెళితే..
బెంగళూరులోని ఓ ప్రైవేట్ ఇంజనీరింగ్ కాలేజీ క్యాంపస్‌లో పురుషుల వాష్‌రూమ్‌లో ఓ విద్యార్థినిపై అత్యాచారం చేశాడు ఓ సహవిద్యార్థి. నిందితుడు 21 ఏళ్ల జీవన్ గౌడగా గుర్తించి అతడిని అరెస్ట్ చేశారు పోలీసులు. జ్యుడీషియల్కస్టడీకి తరలించారు.
అసలేం జరిగిందంటే..
ఎఫ్ ఐఆర్ లో తెలిపిన వివరాల ప్రకారం.. నిందితుడు, బాధితురాలు గతంలో క్లాస్ మేట్లు...బ్యాక్ లాగ్స్ ఉండటంతో చదువులో వెనకబడిన నిందితుడు జీవన్ గౌడ్ జులాయిగా తిరుగుతున్నాడు. ఈ క్రమంలో బాధితురాలికి పదే పదే ఫోన్ చేస్తూ విసిగించేవాడు. సంఘటన జరిగిన రోజున లంచ్ టైంలో బాధితురాలి కాలేజీ వెళ్లిన జీవనగౌడ్.. ముద్దు పెట్టాలని లేకపోతే రచ్చ రచ్చ చేస్తానని బెదిరించాడని ఆరోపణలు ఉన్నాయి. ఆమె తప్పించుకునే ప్రయత్నంలో కాలేజీ పై అంతస్తులోకి వెళ్లగా.. అసరించిన నిందితుడు జీవన్గౌడ్.. పురుషుల బాత్ రూంలోకి బలవంతంగా తీసుకెళ్లి అత్యాచారం చేసినట్లు పోలీసులకు బాధితురాలు ఫిర్యాదు చేసింది. ఘటన తర్వాత పిల్స్ కావాలంటే పంపిస్తానని నిందితుడి ఆఫర్ ఇచ్చాడని తెలుస్తోంది.
అక్టోబర్ 10న బాధితురాలిపై కాలేజీ క్యాంపస్ బాత్రూం లోనే ఓ ఇంజనీరింగ్ విద్యార్థిని అత్యాచారానికి గురైంది. ఊహించని ఘటనతో భయపడిపోయిన బాధితురాలు ఐదు రోజుల తర్వాత అక్టోబర్ 15న పేరెంట్స్ కి చెప్పింది. బాధితురాలి ఫిర్యాదుతో నిందితుడిపై భారతీయ న్యాయ సంహిత (BNS) సెక్షన్ 64 (అత్యాచారానికి శిక్ష) కింద కేసు నమోదు చేశారు.
మొదట్లో ఫిర్యాదు చేసేందుకు సంకోచించిన బాధితురాలు.. ఐదు రోజుల తర్వాత పేరెంట్స్ తో కలిసి పోలీసులకు ఫిర్యాదు చేయడంతో విషయం వెలుగులో వచ్చింది.
