న్యూఢిల్లీ: ఓరల్ పోలియో వ్యాక్సిన్ల ఉత్పత్తి, సరఫరా కోసం బిల్థోవెన్ బయోలాజికల్స్తో ఒప్పందం కుదుర్చుకున్నట్టు భారత్ బయోటెక్ మంగళవారం తెలిపింది. భారత్ బయోటెక్ ఓరల్ పోలియో వ్యాక్సిన్ల (ఓపీవీలు) ఉత్పత్తికి సంబంధించిన ఔషధ పదార్థాలను ప్రపంచవ్యాప్తంగా సరఫరా చేయడానికి రెండు భాగస్వాముల మధ్య ఒప్పందం కుదిరింది.
భారత్ బయోటెక్,బిల్థోవెన్ బయోలాజికల్స్ భారతదేశంలో ఓపీవీలను వాణిజ్యపరంగా తయారు చేయడానికి అవసరమైన నియంత్రణ అనుమతులను, లైసెన్స్‌‌‌‌లను పొందుతాయి. ఈ ఒప్పందం వల్ల ఓరల్ పోలియో వ్యాక్సిన్లకు కొరత ఉండదని, పోలియో నిర్మూలన మిషన్కు మేలు జరుగుతుందని భారత్ బయోటెక్ ఎగ్జిక్యూటివ్ చైర్మన్ కృష్ణ ఎల్లా చెప్పారు.
