బిట్​ బ్యాంక్​...నానో టెక్నాలజీ

    పదార్థాన్ని పరమాణువు స్థాయిలో మనకు కావాల్సిన రీతిలో మలచుకోవడానికి వీలు కల్పించే సాంకేతిక పరిజ్ఞానం నానో టెక్నాలజీ. 
    - 2-3 పరమాణువుల పరిమాణం ఒక నానోమీటర్​.  కాబట్టి దీనిని నానో టెక్నాలజీ అని పిలుస్తారు. 
    1959లో తొలిసారిగా రిచర్డ్​ ఫెయిన్​ మాన్​ అనే అమెరికన్​ శాస్త్రవేత్త ఈ భావనను ప్రతిపాదించాడు. 
    1974లో టోక్యో విశ్వవిద్యాలయానికి చెందిన నొరియో తానిగుచి అనే జపాన్​ శాస్త్రవేత్త నానోటెక్నాలజీ అనే పదాన్ని ప్రతిపాదించాడు. 
    పరమాణువుల స్థాయి నుంచి ఎలక్ట్రానిక్​ పరికరాలను నిర్మించడం ద్వారా వాటి పరిమాణాన్ని పూర్తిగా తగ్గించడానికి వీలవుతుంది. 
    కార్బన్​ నానో ట్యూబ్స్​, నానో క్రిస్టల్స్​ వంటి ప్రస్తుతం అధిక వినియోగంలోకి వస్తున్నాయి.
    స్కానింగ్​ టన్నెలింగ్​ మైక్రోస్కోప్​ (ఎస్​టీఎం) ఫ్లోరెసెన్స్​ మైక్రోస్కోపి, స్కానింగ్​ ప్రోబ్​ మైక్రోస్కోప్​ వంటి అత్యాధునిక సూక్ష్మదర్శిని పరికరాల ద్వారానే నానో పదార్థాలను నిర్మించగలుగుతారు. 
    వాటర్​ ఫిల్టర్స్​, ఎయిర్​ కండీషనింగ్​, మొబైల్స్, ఎయిర్​ ఫిల్టర్స్​, విమాన, ఆటోమొబైల్స్​ నిర్మాణం, కాంపోజిట్స్​ తయారీ, నానోట్యూబ్స్​, నానోక్రిస్టల్స్​ వంటి పరకరాల తయారీలో నానో టెక్నాలజీ ఉపయోగపడుతుంది.
    వైద్యరంగంలో నానోటెక్నాలజీని ఉపయోగించి ఔషధాలను సంబంధిత అవయవాలను చేరవేసే నానోబోట్స్​(నానో రోబోట్స్​) ఇప్పటికే అందుబాటులోకి వచ్చాయి. 
    నానో బయో ఇంజినీరింగ్​ ద్వారా సెల్యులోజ్​ను ఇథనాల్​గా మార్చి ఇంధనం ఉపయోగించే వీలు కల్పించే ఎంజైములను నానో టెక్నాలజీ ద్వారా రూపొందించారు. 
    నానో టెక్నాలజీ ద్వారా మడతలు పడని, మరకలు అంటుకోని నానో ఫ్యాబ్రిక్స్​ అందుబాటులోకి వచ్చాయి. 
    పాలీమర్​ కంపోజిట్స్​లోకి నానో పదార్థాలను ప్రవేశ పెట్టడం ద్వారా తేలికైన దృఢంగా ఉండే బేస్​బాల్​ బ్యాట్స్​, టెన్నిస్​ రాకెట్స్​, హెల్మెట్స్​, ఆటోమొబైల బంపర్స్​ అందుబాటులోకి వచ్చాయి. 
    గాజుపై నానో ఫిల్మ్​ కోటింగ్​ ద్వారా ఎలాంటి పదార్థాలు అంటుకోవు. ఇలాంటి గాజును కిటికీ అద్దాలు, కంప్యూటర్​, కెమెరా డిస్​ ప్లేల్లో వినియోగించుట ద్వారా వాటిని శుభ్రం చేయాల్సిన అవసరం ఉండదు. 
    బంగారం నానో రేణువులను అల్జీమర్స్​ వ్యాధి నిర్ధారణలో ఉపయోగిస్తారు. 
    పొటాషియం మాంగనీసు ఆక్సైడ్​ పదార్థంతో తయారుచేసిన నానో ఫాబ్రిక్​ తన బరువుకు 20 రెట్లు ఆయిల్​ను గ్రహించగలదు. కాబట్టి దీన్ని క్లీనింగ్​ ప్రాసెస్​లో ఉపయోగిస్తారు. 
    క్వాంటమ్​ డాట్స్​ అనే అర్థవాహక నానో క్రిస్టల్స్​ ద్వారా మెరుగైన మెడికల్​ ఇంజినీరింగ్​ సాధ్యమవుతుంది. 
    పేపర్​ మందంలో సౌరప్యానల్స్​ ఇప్పటికే నానో టెక్నాలజీ ద్వారా అందుబాటులోకి వచ్చాయి. 
    దేశ సామాజిక, ఆర్థిక ప్రయోజనాలను ఉద్దేశించి నానోటెక్నాలజీ అభివృద్ధిని ప్రోత్సహించే లక్ష్యంతో 2007 మేలో భారత ప్రభుత్వం నానో సైన్స్​ & టెక్నాలజీ మిషన్​ను ప్రారంభించింది.