గద్వాల, వెలుగు: కేంద్ర హోం మంత్రి అమిత్ షా పర్యటనను సక్సెస్ చేయాలని బీజేపీ జాతీయ ఉపాధ్యక్షురాలు డీకే అరుణ కోరారు. బుధవారం బహిరంగ సభ, హెలీప్యాడ్, సభాస్థలి ఏర్పాట్లను పరిశీలించారు. ఈ నెల 18న గద్వాల జిల్లా కేంద్రంలో జరిగే బహిరంగ సభకు అమిత్ షా హాజరవుతున్నారని, ఉదయం 10 గంటలకు జరిగే సభకు ప్రజలు, బీజేపీ నాయకులు, కార్యకర్తలు తరలివచ్చి సక్సెస్ చేయాలని కోరారు.
జిల్లా అధ్యక్షుడు రామచంద్రారెడ్డి, బీజేపీ క్యాండిడేట్ బలిగేర శివారెడ్డి, రామాంజనేయులు, బండల వెంకట్రాములు, మిర్జాపురం వెంకటేశ్వర రెడ్డి, రవికుమార్, పూజారి శ్రీధర్ పాల్గొన్నారు.
