కోల్బెల్ట్, వెలుగు : ఓ బాలుడు చెరువులో పడి చనిపోయిన ఘటన ఆలస్యంగా వెలుగులోకి వచ్చింది. మందమర్రి మండలం అందుగులపేటలో జరిగిన ఈ ఘటన వివరాలను టౌన్ ఎస్సై చంద్రకుమార్వివరించారు. అందుగులపేట గ్రామానికి చెందిన డ్రైవర్సత్యనారాయణ, రాజేశ్వరి దంపతుల కొడుకు ప్రణీత్(14) గురువారం మధ్యాహ్నం ఇంట్లో నుంచి బయటకు వెళ్లి తిరిగి రాలేదు. సాయంత్రమైనా ప్రణీత్ ఇంటికి రాకపోవడంతో కుటుంబసభ్యులు రాత్రంతా వెతికినప్పటికీ జాడ దొరకలేదు. అయితే గ్రామానికి చెందిన గారాపు మహేశ్, మేకల అక్షయ్ తో కలిసి బైక్పై ఊరు శివారులోని ఎర్ర చెరువు వైపు వెళ్లినట్లు స్థానికులు శుక్రవారం ఉదయం చెప్పడంతో ప్రణీత్తల్లిదండ్రులు ఆ ఇద్దరి ఇంటికి వెళ్లి ప్రశ్నించారు.
దీంతో వారు అసలు విషయం బయటపెట్టారు. తాము ముగ్గురం చేపలు పట్టేందుకు ఎర్ర చెరువులోకి తెప్పలో వెళ్లామని, కానీ ప్రమాదవశాత్తూ ప్రణీత్నీళ్లలో పడి చనిపోయినట్లు వెల్లడించారు. శవాన్ని ఒడ్డుకు తీసుకు వచ్చామని, కానీ భయంతో అక్కడే వదిలి ఇంటికి చేరుకున్నామని పేర్కొన్నారు. దీంతో తల్లిదండ్రుల బోరు ఏడుస్తూ డెడ్బాడీ వద్దకు చేరుకున్నారు. సమాచారం అందుకున్న ఎస్సై చంద్రకుమార్ఘటన స్థలానికి చేరుకొని వివరాలు సేకరించారు. పోస్టుమార్టం నిమిత్తం ప్రణీత్డెడ్బాడీని మంచిర్యాల ప్రభుత్వ ఆసుపత్రికి తరలించారు. తన కొడుకు ప్రణీత్ను మహేశ్చంపి ఉంటాడని అనుమానం వ్యక్తంచేసిన తల్లిదండ్రుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.
