బ్రెజిల్ ఫుట్ బాల్ టీమ్ అభిమాని ఒకరు అద్దాల డ్రెస్సులో అదరగొట్టాడు. తమ టీమ్ ను సపోర్ట్ చేస్తూ ఈ వెరైటీ డ్రెస్సులో మెరిసిపోయాడు. డిజిటల్ పదజాలంతో చెప్పాలంటే.. నడిచే ఏఆర్ ఫిల్టర్ ను అతగాడు తలపించాడు. ఓ వ్యక్తి దీనికి సంబంధించిన వీడియోను ట్విట్టర్ లో షేర్ చేయడంతో వైరల్ గా మారింది. శుక్రవార రోజున జరిగిన ఫిఫా ఫుట్ బాల్ వరల్డ్ కప్ మ్యాచ్ లో బ్రెజిల్ టీమ్ పై క్రొయేషియా టీమ్ 4-2 పాయింట్ల తేడాతో విజయం సాధించింది.
అయినా ఆ బ్రెజిల్ అభిమాని నిరుత్సాహపడకుండా అద్దాల డ్రెస్సు ధరించి, చేతిలో అద్దాల ఫిఫా వరల్డ్ కప్ నమూనాను పట్టుకొని ఖతర్ ఎడ్యుకేషన్ స్టేడియంలో హల్ చల్ చేశాడు. అందరి దృష్టిని ఆకట్టుకున్నాడు. అక్కడున్న వివిధ దేశాల ఫుట్ బాల్ అభిమానులతో కలిసి ఫొటోలు దిగాడు. ఈ వీడియోకు పెద్దసంఖ్యలో వ్యూస్ వచ్చాయి. ‘ ఇప్పటిదాకా జరిగిన వరల్డ్ కప్ వేడుకల్లో ఇలాంటి వెరైటీ డ్రెస్సు ఇంకెవరూ ధరించలేదేమో’ అని ఒక నెటిజన్ కామెంట్ చేశాడు. ‘ఈ అభిమాని కాస్ట్యూమ్ కు నేను ఫిదా అయ్యాను. అతన్ని చూసి కంప్యూటర్ సిమ్యులేషన్ ఏమో అనుకున్నాను. అతడిని చాలా అద్భుతమైన ఐడియా’ అని మరో నెటిజన్ వ్యాఖ్యానించాడు.