ఖానాపూర్, వెలుగు: ఖానాపూర్ నియోజకవర్గ ప్రజలు ఎమ్మెల్యేగా ఒక్క అవకాశం ఇవ్వాలని, ఈ ప్రాంతాన్ని అన్ని రంగాల్లో అభివృద్ధి చేసి యువతకు ఉద్యోగ, ఉపాధి అవకాశాలు కల్పిస్తానని బీఆర్ఎస్ అభ్యర్థి జాన్సన్ నాయక్ అన్నారు. శనివారం ఉట్నూరుతోపాటు కడెం మండలం ధర్మాజీపేటకు చెందిన కాంగ్రెస్ నేతలు, కార్యకర్తలతోపాటు, ఎన్ఎస్యూఐ నాయకులు జాన్సన్ నాయక్ సమక్షంలో బీఆర్ఎస్లో చేరారు. ఈ సందర్భంగా ఆయన మాట్లాడుతూ.. దేశంలో ఎక్కడా లేని విధంగా కేసీఆర్ సర్కారు రాష్ట్రంలో ఎన్నో సంక్షేమ పథకాలను ప్రవేశ పెట్టిందని.. అందుకే ప్రతి ఒక్కరూ స్వచ్ఛందంగా బీఆర్ఎస్లోకి వస్తున్నారని పేర్కొన్నారు.
కాంగ్రెస్, బీజేపీ పార్టీలను ఈ ప్రాంత ప్రజలు నమ్మడం లేదన్నారు. వేర్వేరుగా జరిగిన కార్యక్రమాల్లో ఉట్నూరు జడ్పీటీసీ చారులత, మాజీ ఎంపీపీ రాజేశ్వర్ గౌడ్, నాయకులు తిరుపతి, వెంకటేశ్, దండగుల రవి, గోపాల్, అశోక్, ఆనంద్తదితరులు పాల్గొన్నారు. నియోజకవర్గంలో బీఆర్ఎస్ ప్రచారం జోరుగా సాగుతోంది. శనివారం పట్టణంలోని వార్డుల్లో బీఆర్ఎస్ నాయకులు, కార్యకర్తలు తిరుగుతూ తమ పార్టీ అ భ్యర్థి జాన్సన్ నాయక్ను భారీ మెజారిటీతో గెలిపించాలని కోరారు.
