వనపర్తి, వెలుగు: బీఆర్ఎస్కు చెందిన 8 మంది కౌన్సిలర్లు ఆదివారం బీఆర్ఎస్కు రాజీనామా చేసి వనపర్తి ఎమ్మెల్యే తూడి మేఘారెడ్డి, నాగర్కర్నూల్ ఎంపీ క్యాండిడేట్ మల్లు రవి ఆధ్వర్వంలో కాంగ్రెస్ పార్టీలో చేరారు. దీంతో కాంగ్రెస్ పార్టీ మద్దతుదారుడే చైర్మన్గా ఎన్నిక కానున్నాడు. 25 మంది బీఆర్ఎస్ కౌన్సిలర్లలో అసెంబ్లీ ఎన్నికల ముందు ఇద్దరు కాంగ్రెస్ పార్టీలో చేరారు. ఎమ్మెల్సీ ఎన్నికల నేపథ్యంలో మాజీ మంత్రి నిరంజన్రెడ్డి చైర్మన్, వైస్ చైర్మన్లతో రాజీనామా చేయించారు.
అయినప్పటికీ అసంతృప్తితో ఉన్న కౌన్సిలర్లలో 8 మంది కాంగ్రెస్ కండువా కప్పుకున్నారు. ఆదివారం చేరిన 8 మందితో పాటు ఇప్పటికే కాంగ్రెస్ పార్టీలో ఉన్న 10 మంది, ఎమ్మెల్యే ఓటుతో కలిపి 19 మంది అవుతారు. 33 మంది కౌన్సిలర్లు ఉన్న వనపర్తి మున్సిపాలిటీలో 17 మంది మెజారిటీ ఉంటే సరిపోతుంది. కాంగ్రెస్లో చేరిన వారిలో చైర్మన్ క్యాండిడేట్ పుట్టపాకుల మహేశ్, నక్క రాములు, బాషా నాయక్, సత్తమ్మ, చంద్రకళ, పాకనాటి కృష్ణ, భువనేశ్వరి, జంపన్న యాదవ్ ఉన్నారు.
భారీ మెజార్టీతో గెలిపించాలి..
నాగర్కర్నూల్ ఎంపీగా తనను భారీ మెజార్టీతో గెలిపించాలని కాంగ్రెస్ ఎంపీ క్యాండిడేట్ మల్లు రవి కోరారు. వనపర్తి నియోజకవర్గంలో భారీ మెజార్టీ అందించాలన్నారు. ఎమ్మెల్యే మేఘారెడ్డి మాట్లాడుతూ తనను 25వేల మెజార్టీతో గెలిపించారని, ఎంపీ ఎన్నికల్లో 50 వేల మెజార్టీ అందించాలని పిలుపునిచ్చారు. పట్టణ కాంగ్రెస్ అధ్యక్షుడు చీర్లచందర్, కౌన్సిలర్లు వెంకటేశ్, నారాయణ, సత్యంసాగర్, జయసుధ, లక్ష్మి, సుమిత్ర, బ్రహ్మంచారి, ఎల్ సతీశ్పాల్గొన్నారు.
