హాస్పిటల్ లో కుప్పకూలిన సీలింగ్

హాస్పిటల్ లో కుప్పకూలిన సీలింగ్

ఖమ్మంలోని ఓ ఆస్ప్రత్రిలో పెనుప్రమాదం తప్పింది. బిల్డింగ్ సీలింగ్ కుప్పకూలి పడిపోయింది. ఈ ఘటన వైరా రోడ్డులోని ప్రశాంతి హాస్పిటల్‎లో జరిగింది. మహబూబాద్ జిల్లా కేంద్రానికి చెందిన జిలేహా అనే మహిళ డయాబెటిస్, లివర్ సంబంధిత జబ్బుతో బాధపడుతూ శుక్రవారం మధ్యాహ్నం ఆస్పత్రికి వచ్చింది. ఆమెతో పాటు ఆమె కొడుకు ముజ్జు కూడా వచ్చాడు. వైద్యులు పేషంట్‎ను అడ్మిట్ చేసుకొని మొదటి ఫ్లోర్‎లో ఉంచారు. అయితే పేషంట్‎కు వైద్యం జరుగుతుండగా.. ఆమె కొడుకు పక్కనే ఉన్నాడు. కాగా.. ఉన్నట్టుండి స్లాబ్ సీలింగ్ ఒక్కసారిగా కుప్పకూలింది. దాంతో జిలేహా, ఆమె కుమారుడు ముజ్జుకు గాయాలయ్యాయి. పేషంట్ తలకి, చేతికి గాయాలు కావడంతో.. స్కానింగ్ నిమిత్తం డయాగ్నొస్టిక్ సెంటర్‎కు తరలించారు. విషయాన్ని ఆస్పత్రి యాజమాన్యం గోప్యంగా ఉంచింది. మౌలిక సదుపాయాలు కలిపించని హాస్పిటల్‎పై చర్యలు తీసుకోవాలని బాధితులు‎ కోరుతున్నారు.