బతుకమ్మ విశ్వవ్యాప్తమైంది

 బతుకమ్మ విశ్వవ్యాప్తమైంది

కాజీపేట, వెలుగు: కాజీపేట బంధం చెరువు వద్ద రూ.2.30లక్షలతో నిర్మించిన బతుకమ్మ విగ్రహాన్ని ప్రభుత్వ చీఫ్ విప్ దాస్యం వినయ్ భాస్కర్ సోమవారం ఆవిస్కరించారు. ఒకప్పుడు తెలంగాణకే పరిమితమైన బతుకమ్మ..నేడు విశ్వవ్యాప్తం అయిందన్నారు. తెలంగాణ పండుగల విశిష్టతను భావితరాలకు అందిస్తూ మన సంస్కృతి, సాంప్రదాయాలను కాపాడుకోవాలని సూచించారు.

బతుకమ్మ గ్రౌండ్ ప్రారంభం
నర్సంపేట, వెలుగు: వరంగల్​జిల్లా ఖానాపూరం మండలం ధర్మరావుపేట విలేజ్​లో బతుకమ్మ గ్రౌండ్​ను నర్సంపేట ఎమ్మెల్యే పెద్ది సుదర్శన్​రెడ్డి సోమవారం ప్రారంభించారు. ఈసందర్భంగా ఎమ్మెల్యే మాట్లాడుతూ.. పంచాయతీరాజ్​ శాఖ ద్వారా 8 లక్షలతో బతుకమ్మ గ్రౌండ్​ను ఏర్పాటు చేసామని చెప్పారు. కార్యక్రమంలో ఎంపీపీ వేములపల్లి ప్రకాష్​రావు, లీడర్లు మహాలక్ష్మి వెంకట్రాంనర్సయ్య, కడ్తాల వెంకన్న తదితరులు పాల్గొన్నారు.

చిట్యాల మండలంలో..
చిట్యాల, వెలుగు: జయశంకర్ భూపాలపల్లి జిల్లా చిట్యాల మండలం జూకల్ గ్రామంలో సోమవారం ఎమ్మెల్యే గండ్ర వెంకటరమణారెడ్డి బతుకమ్మ విగ్రహాన్ని ఆవిష్కరించారు. ఈ సందర్భంగా బతుకమ్మ ప్రాముఖ్యతను ఎమ్మెల్యే వివరించారు. కార్యక్రమంలో సర్పంచ్ పుట్టపాక మహేందర్, జడ్పీటీసీ గొర్రె సాగర్, పీఏసీఎస్ చైర్మన్ కుంభం క్రాంతికుమార్ రెడ్డి తదితరులున్నారు.