సంగారెడ్డి టౌన్, వెలుగు: బిస్లరీ మైక్రో బాక్స్ పరిశ్రమలో తొలగించిన కార్మికులను వెంటనే విధుల్లోకి తీసుకోవాలని సీఐటీయూ జిల్లా అధ్యక్షుడు మల్లేశం, జిల్లా కార్యదర్శి సాయిలు డిమాండ్ చేశారు. సంగారెడ్డిలోని సీఐటీయూ జిల్లా ఆఫీసులో వారు మాట్లాడుతూ.. పాశమైలారం ప్రాంతంలోని బిస్లరీ పరిశ్రమ, మల్లేపల్లి పరిధిలోగల మైక్రో బాక్స్ కార్మికులు చట్ట ప్రకారం యూనియన్లు పెట్టుకుంటే యాజమాన్యాలు కక్ష సాధింపునకు పాల్పడడం అన్యాయమన్నారు.
కార్మికులను తొలగించడం చట్ట విరుద్ధమని లేబర్ అధికారులు స్పందించి న్యాయం చేయాలని డిమాండ్ చేశారు. లేదంటే పెద్ద ఎత్తున ధర్నా చేస్తామని హెచ్చరించారు. సమావేశంలో సీఐటీయూ నాయకులు బాగా రెడ్డి, ప్రవీణ్, ప్రసన్నారావు, విష్ణు, శ్రీనివాస్, శివ, మల్లేశ్, భీమ్ రెడ్డి, వేణు, ప్రశాంత్, ప్రభాకర్ పాల్గొన్నారు.
