- రాష్ర్ట సివిల్ సప్లై జీఎం అభిషేక్ సింగ్
కోహెడ, వెలుగు: కొనుగోలు కేంద్రాల్లో రైతులను ఇబ్బంది పెట్టకుండా ధాన్యం కొనుగోలు చేయాలని రాష్ర్ట సివిల్ సప్లై జీఎం అభిషేక్ సింగ్అధికారులకు సూచించారు. శుక్రవారం మండలంలోని శనిగరం ధాన్యం కొనుగోలు కేంద్రాన్ని సివిల్ సప్లై ఏఎం ప్రమోద ఇంద్రిసాతో కలిసి సందర్శించారు.
గన్నీ బ్యాగ్స్, అన్లోడింగ్సమస్య గురించి అధికారులను అడిగి తెలుసుకున్నారు. ఏ సమస్య ఉన్నా తన దృష్టికి తీసుకువస్తే పరిష్కరిస్తామని చెప్పారు. తేమ శాతం రాగానే ధాన్యాన్ని కొనుగోలు చేయాలన్నారు. ట్యాబ్ ఎంట్రీ నమోదు చేసి రైతులకు సత్వరమే ధాన్యం డబ్బులు అకౌంట్లో జమ చేయాలని సూచించారు. కార్యక్రమంలో ఏపీఎం శ్రీనివాస్,సీసీ సంపత్, వివో అధ్యక్షుడు శ్యామల, కిరణ్ భాయ్, రతన్ ఉన్నారు.
