కోకాకోలా ఫోన్ త్వరలో భారత్‌‌‌‌లోకి రానుంది. ఈ విషయాన్ని కంపెనీ తనకు తెలియజేసిందని ఒక టిప్స్టర్ వెల్లడించాడు. కోకాకోలా ఫోన్ ఈ ఏడాది మొదటి క్వార్టర్లో భారత్‌‌కు రానున్నట్లు సమాచారం. కోకా-కోలా హ్యాండ్‌‌సెట్‌‌ను మార్కెట్లోకి తీసుకురావడానికి రియల్మీ స్మార్ట్‌‌ఫోన్ బ్రాండ్‌‌తో కలిసి పనిచేస్తోందని తెలుస్తోంది. ఇందులో మీడియాటెక్ హీలియో జీ99 చిప్, 6.4-అంగుళాల స్క్రీన్, 50-మెగాపిక్సెల్ డ్యూయల్ రియర్ కెమెరా, ముందు భాగంలో 16-మెగాపిక్సెల్ సెల్ఫీ స్నాపర్ కూడా ఉంటుంది. ఫోన్ ఫాస్ట్ ఛార్జింగ్‌‌ను కూడా సపోర్ట్ చేస్తుందని టిప్స్టర్ తెలియజేశాడు.
