కొబ్బరినీళ్లు ఆరోగ్యానికి ఎంతో మేలుచేస్తాయి. కొద్దిగా నీరసం అనిపించినా.. కొబ్బరి నీళ్లు తాగితే మాయమవుతుంది. ప్రస్తుతం అందరిని వేధిస్తున్న సమస్య కొవ్వు.. శరీరంలో కొవ్వు పేరుకుపోయి ప్రాణాపాయ పరిస్థితులు వచ్చే అవకాశం ఉంది. కొబ్బరి నీళ్లుతాగితే.. ప్రొటిన్స్.. విటమిన్స్ రావడమే కాదు.. శరీరంలో పేరుకుపోయిన కొవ్వు కూడా తగ్గుతుందని వైద్యనిపుణు చెబుతున్నారు.
పొట్ట భాగంలో ఎక్కువగా కొవ్వు పేరుకుపోవడం వల్ల గుండె జబ్బులు, హైబీపీ, డయాబెటిస్ తదితర జబ్బుల బారిన పడే అవకాశాలు ఉంటాయి. అలాంటి వాళ్లు మితంగా ఆహారం తీసుకుంటూ.. ఎక్సర్ సైజ్ లు చేస్తుండాలి. ప్రకటనల్లో చూపించినట్టుగా.. బరువు తగ్గడం కోసం, పొట్ట భాగంలో పేరుకుపోయిన కొవ్వును కరిగించడం కోసం సప్లిమెంట్స్ వాడినా పెద్దగా ఫలితం ఉండదు. పైగా అవి హాని చేసే అవకాశం ఉంది. కాబట్టి టమ్మీ ఫ్యాట్ తగ్గించుకోవాలనుకునే వాళ్లు కొబ్బరి నీళ్లను రెగ్యులర్ గా తాగడం ఉత్తమం. కొబ్బరి నీళ్లను తరచూ తాగడం వల్ల బరువు తగ్గడంతోపాటు, పొట్ట భాగంలో పేరుకుపోయిన కొవ్వును కరిగించుకోవచ్చు.
Also Read : ఈ గుడిలో ప్రసాదం నేలపైనే ఎందుకు పెడతారు
వేసవిలో కొబ్బరి నీళ్లను తాగడం వల్ల ఎండ వేడిమి నుంచి కూడా ఉపశమనం పాండొచ్చు. కొబ్బరి నీళ్లలో క్యాలరీలు తక్కువగా ఉంటాయి. విటమిన్స్, మినరల్స్, యాంటీ ఆక్సిడెంట్స్ పుష్కలంగా ఉంటాయి. ఇవి ఆరోగ్యాన్ని కాపాడతాయి. ఆహారం జీర్ణం కావడానికి, మూత్ర సంబంధిత సమస్యలు తగ్గడానికి ఎంతగానో ఉపకరిస్తాయి. కొబ్బరి నీళ్లలో సోడియం, పొటాషియం లాంటి ఎలక్ట్రోలైట్స్ ఉంటాయి. కొబ్బరి నీళ్లు తాగడం వల్ల శరీరం వెంటనే రీహైడ్రేట్ అవుతుంది. కొబ్బరి నీళ్లు ఆకలిని తగ్గించడమే కాకుండా.. చర్మానికి మేలు చేస్తాయి.
