- కలెక్టర్ హైమవతి
గజ్వేల్, వెలుగు: సర్పంచ్ఎన్నికలు ఫ్రీ అండ్ ఫెయిర్గా నిర్వహించడానికి అన్ని ఏర్పాట్లు చేస్తున్నామని కలెక్టర్ హైమవతి చెప్పారు. శుక్రవారం గజ్వేల్ డివిజన్లో ఎన్నికల ప్రక్రియను ఆమె పరిశీలించారు. ములుగు మండలం వంటిమామిడి శివారులోని రాజీవ్ రహదారిపై ఏర్పాటు చేసిన ఎస్ఎస్ టీ శిబిరాన్ని తనిఖీ చేశారు.
ఎలక్షన్ కమిషన్ మార్గదర్శకాల ప్రకారం ప్రతీ వాహనాన్ని తనిఖీ చేయడంతో పాటు మొత్తం ప్రక్రియ వీడియో తీయాలన్నారు. తునికిబొల్లారం, చిన్న తిమ్మాపూర్, జప్తి సింగయపల్లి గ్రామాల నామినేషన్లు స్వీకరణ ప్రక్రియను పరిశీలించారు. రిమ్మనుగూడ క్లస్టర్ లో రిమ్మనుగూడ, బూరుగుపల్లి, కొడకండ్ల గ్రామాల నామినేషన్లు స్వీకరిస్తున్నట్లు అధికారులు కలెక్టర్ కి తెలిపారు.
