సిద్దిపేట రూరల్, వెలుగు: బ్యాంక్లరు వ్యవసాయ రంగానికి ఎక్కువ ప్రాధాన్యత ఇవ్వాలని కలెక్టర్ హైమావతి సూచించారు. శనివారం సిద్దిపేట కలెక్టరేట్లో కన్సల్టేటివ్ కమిటీ జిల్లా స్థాయి సమావేశంలో 2025 –26 ఆర్థిక సంవత్సరం ప్రగతి, సబ్సిడీ, రుణాలు ఇతర అంశాలపై బ్యాంకర్లకు, అధికారులకు పలు ఆదేశాలు జారీ చేశారు. అనంతరం మాట్లాడుతూ వ్యాపార రంగాలకు మాత్రమే కాకుండా వ్యవసాయ రంగానికి అధిక ప్రాధాన్యతనిచ్చి రుణాలు, ప్రోత్సాహకాలను అందిస్తూ రైతులకు సహకరించాలన్నారు.
జిల్లాలోని దాదాపు 150 మహిళా సంఘాలకు సంబంధించిన పెండింగ్ లను క్లియర్ చేయాలని, హుస్నాబాద్ లో మహిళాసంఘాలకు నాబార్డ్ ద్వారా రుణాలు ఇప్పించి, ఆర్థికంగా, సాంకేతికంగా సహకరించి మహిళలను గొప్ప వ్యాపారవేత్తలుగా తీర్చిదిద్దడానికి శిక్షణను ఇవ్వాలని తెలిపారు. కార్యక్రమంలో డీఆర్డీవో జయదేవ్ ఆర్య, ఎల్డీఎం హరిబాబు, బ్యాంకు అధికారులు శ్రీనివాస్, రెహమాన్, నిఖిల్, ఉదయ్ కిరణ్ పాల్గొన్నారు.
