- కలెక్టర్ హనుమంత్ జెండగే
యాదాద్రి, వెలుగు : భువనగిరి పార్లమెంట్ ఎన్నికల ఓట్ల కౌంటింగ్ కోసం పకడ్బందీగా ఏర్పాట్లు చేయాలని ఎన్నికల అధికారి, కలెక్టర్ హనుమంత్ జెండగే అధికారులను ఆదేశించారు. గురువారం కలెక్టరేట్లో అసిస్టెంట్ రిటర్నింగ్ ఆఫీసర్లు, నోడల్ అధికారులతో సమావేశం నిర్వహించారు. సమావేశంలో ఓట్ల కౌంటింగ్ ఏర్పాట్లను పవర్ పాయింట్ ప్రెజెంటేషన్ ద్వారా ఆయన వివరించి మాట్లాడారు.
కౌంటింగ్ ప్రక్రియలో ఓటు గోప్యత చాలా ముఖ్యమని, ఈవీఎంల తరలించడంతోపాటు వాటికి సీల్వేసే ప్రక్రియలో ఎన్నికల నిబంధనలను పక్కాగా పాటించాలని సూచించారు. కౌంటింగ్ కమ్యూనికేషన్ ప్లాన్, కౌంటింగ్ ఏజెంట్ల నియామకంలో తీసుకోవాల్సిన జాగ్రత్తలను వివరించారు. సిబ్బంది ర్యాండమైజేషన్, పోస్టల్ బ్యాలెట్ కౌంటింగ్ ఏర్పాట్లు, సీల్ వేసేటప్పుడు తీసుకోవాల్సిన జాగ్రత్తలను గుర్తు చేశారు.
సమావేశంలో అడిషనల్ కలెక్టర్లుబెన్ షాలోమ్, గంగాధర్, ఆర్డీవో అమరేందర్, మునుగోడు, నకిరేకల్, తుంగతుర్తి, జనగామ, ఇబ్రహీంపట్నం అసిస్టెంట్ రిటర్నింగ్ ఆఫీసర్లు సుబ్రహ్మణ్యం, పూర్ణచందర్, బీఎస్.లత, కొమరయ్య, అనంతరెడ్డి, నోడల్ అధికారులు, ఎన్నికల విభాగం సిబ్బంది పాల్గొన్నారు.
