యాదాద్రి, వెలుగు: ఎలాంటి ప్రలోభాలకు లొంగకుండా ఓటు వేయాలని జిల్లా ఎన్నికల అధికారి, కలెక్టర్ హనుమంతు కె. జెండగే ప్రజలకు సూచించారు. బుధవారం యాదాద్రి జిల్లా బీబీనగర్లో నిర్వహించిన పోలీసు కవాతులో డీసీపీ రాజేశ్ చంద్రతో కలిసి పాల్గొన్నారు. అనంతరం పలువురు ఓటర్లను కలిసి మాట్లాడారు. ప్రతి ఒక్కరూ తమ ఓటు హక్కును నిర్భయంగా వినియోగించుకోవాలని సూచించారు. ఇందుకోసం పోలీసుశాఖ, సీఆర్పీఎఫ్‌ బలగాలతో భద్రత కల్పిస్తామన్నారు.
అనంతరం కలెక్టరేట్లో నిర్వహించిన రివ్యూ మీటింగ్మాట్లాడుతూ.. ఎన్నికల ప్రక్రియలో నామినేషన్ల స్వీకరణ, పరిశీలన, ఉపసంహరణ కీలకమైన ప్రక్రియలని , వాటిపై కుణ్ణంగా అవగాహన పెంచుకోవాలని అధికారులకు సూచించారు. ఈ కార్యక్రమాల్లో అడిషనల్ కలెక్టర్లు జీ వీరారెడ్డి, ఏ భాస్కర్రావు, ఆర్డీవో అమరేందర్, ఏసీపీ వెంకటరెడ్డి, కమిషనర్ నాగిరెడ్డి. సీఐ సత్యనారాయణ ఉన్నారు.
ALS0 READ: ఫొటోగ్రాఫర్స్ అసోసియేషన్ నూతన కమిటీ ఎన్నిక
