- ఆఫీసర్లకు కలెక్టర్ జితేశ్ ఆదేశం
భద్రాద్రికొత్తగూడెం, వెలుగు : జిల్లాలో సీఎం పర్యటనకు సంబంధించిన ఏర్పాట్లను త్వరగా పూర్తి చేయాలని భద్రాద్రికొత్తగూడెం కలెక్టర్ జితేశ్ వి పాటిల్ఆఫీసర్లను ఆదేశించారు. పాల్వంచలోని డాక్టర్ మన్మోహన్ సింగ్ ఎర్త్ యూనివర్సిటీని వచ్చేనెల రెండో తేదీన సీఎం రేవంత్ రెడ్డి ప్రారంభించనున్నారు. ఈ నేపథ్యంలో పర్యటన ఏర్పాట్లను శుక్రవారం ఆయన పరిశీలించి పలు సూచనలు చేశారు.
శిలాఫలకం ఏర్పాటు, పరిసరాల పరిశుభ్రత, రోడ్ల రిపేర్లు, పార్కింగ్ స్థలాలు, పబ్లిక్ మీటింగ్ స్టేజీ ఏర్పాట్లు, కరెంట్ సౌకర్యం లాంటి విషయాలపై ఆయా శాఖల ఆఫీసర్లతో సమీక్షించారు. యూనివర్సిటీ సుందరీకరణలో భాగంగా మొక్కలు నాటాలన్నారు. పర్యటన రూట్ మ్యాప్ను సిద్ధం చేయాలని చెప్పారు. కలెక్టర్ వెంట యూనివర్సిటీ ప్రిన్సిపాల్ డాక్టర్ జగన్మోహన్ రాజు, మున్సిపల్కార్పొరేషన్ కమిషనర్ సుజాత ఉన్నారు.
